"Almaty qalasyn 2025 jylǵa deıin jáne orta merzimdi perspektıvalardy 2030 jylǵa deıin damytý" baǵdarlamasynyń sheńberinde 2030 jylǵa qaraı jalpy óńirlik ónim qurylymyndaǵy óńdeý ónerkásibiniń úlesin 9%-ǵa deıin kóterý jáne taýarlar eksportyn 7,4 mlrd. AQSH dollaryna deıin eki esege arttyrý josparlanyp otyr.
Qazirgi ýaqytta, qala ekonomıkasynyń qurylymynda 35,2%-dyq úlespen saýda, qarjy jáne saqtandyrý qyzmeti (8,9%), sondaı-aq jyljymaıtyn múlikpen jasalatyn operasıalar (7,3%) basym bolyp otyr. Óńdeý ónerkásibi (mashına jasaý, tamaq ónerkásibi, qurylys materıaldarynyń qurylysy, farmasevtıka jıhaz óndirisi jáne t.b.) jyldan jylǵa turaqty oń qarqyndy kórsete otyryp, jalpy óńirlik ónimniń 4,8%-yn qalyptastyryp otyr.
Ekonomıkany sapaly túrde ártaraptandyrý maqsatynda, taıaý jyldary memlekettik qoldaýmen óndiristik úderisterdi avtomattandyrýdyń jáne sıfrlandyrýdyń joǵary deńgeıi bar shaǵyn tehnologıalyq óndirister qamtylatyn bolady, onyń ónimderi syrtqy naryqta joǵary básekege qabilettiligimen erekshelenedi. Aıtpaqshy, búgin Almaty óndirisiniń tehnologıalyq deńgeıi aıtarlyqtaı, ıaǵnı jalpy kólemdegi úlestiń 2017 jyly 12,8%-dan 2021 jyly 36,2%-ǵa deıingi ósimin kórsetip otyr.
Basym salalardyń áleýetin uzartý ónerkásiptik aýmaqtardy keńeıtý jáne eskirgen jabdyqtardy jańartý, kadrlyq áleýetti (ınjenerlerdi, konstrýktorlardy, jumysshy mamandyqtaryn daıyndaý úshin aldyńǵy qatarly joǵary oqý oryndarymen áriptestik baǵdarlamalardy) damytý esebinen, sondaı-aq ónimdilikti jáne básekege qabilettilikti arttyrý úshin jaǵdaılar jasaý jolymen qalyptastyrylatyn bolady.
Búgingi kúni, Almaty Qazaqstandaǵy kásipkerlik bastama ortalyǵy bolyp tabylady.
Qalada elimizdiń ekonomıkasynyń besinshi bóligi jáne búdjetke túsetin túsimderdiń tórtten bir bóligi qalyptastyrylady.
Almatyda qajetti eńbek jáne ınfraqurylym resýrstary bar, bul qalany Qazaqstannyń eń ınvestısıalyq-tartymdy óńirleriniń birine aınaldyrady. Shaǵyn jáne orta bıznes damyǵan, onyń úlesine óńirlik ekonomıkanyń jartysynan kóbi (51,4%) tıesili bolyp keledi, onda 628,7 myń adam nemese 60,7% ekonomıkalyq jaǵynan belsendi halyq jumyspen qamtylǵan. Almatynyń qolaıly ınvestısıalyq ahýaly 2022 jylǵy aqpanda «VVV» deńgeıinde júrgizilgen «Fitch Ratings» zertteýńne sáıkes, joǵary nesıe reıtıńimen rastalady.
