Prezident taǵy bir zańǵa qol qoidy, dep habarlaidy Dalanews.kz.
Memleket basshysy «Qazaqstan Respýblikasynyń keibir zańnamalyq aktilerine áskeri-patriottyq tárbie, áskeri qyzmet jáne jekelegen ortalyq memlekettik organdardyń fýnktsiialaryn qaita bólý máseleleri boiynsha ózgerister men tolyqtyrýlar engizý týraly» Qazaqstan Respýblikasynyń Zańyna qol qoidy
Zańmen Eńbek kodeksine, «Qazaqstan Respýblikasynyń qorǵanysy jáne Qarýly Kúshteri týraly», «Bilim týraly», «Áskeri qyzmet jáne áskeri qyzmetshilerdiń mártebesi týraly», «Qorǵanys ónerkásibi jáne memlekettik qorǵanystyq tapsyrys týraly» zańdarǵa jáne basqa da zańnamalyq aktilerge ózgerister men tolyqtyrýlar engizildi.
Túzetýlerdiń birinshi blogy azamattardy áskeri-patriottyq turǵydan tárbieleý júiesin jetildirýdi jáne osy saladaǵy jumysty kúsheitýdi kózdeidi.
Ekinshi blok áskeri mindettilerdi daiarlaý jáne qaita daiarlaý deńgeiin arttyrýdy maqsat tutady.
Úshinshi blok áskeri esep júrgizý jáne áskeri qyzmetke shaqyrý júiesin jetildirýge baǵyttalǵan.
Tórtinshi blok áskeri ataqtar berý tártibin ońtailandyrýǵa, Qazaqstan Respýblikasynyń Qarýly Kúshterin, basqa da áskerleri men áskeri quralymdaryn jasaqtaýǵa jáne áskeri qyzmetshilerdiń mártebesin biiktetýge arnalǵan.
Besinshi blok merzimdi áskeri qyzmettiń bedelin kóterýdi qarastyrady.
Altynshy blok jastardy áskeri qyzmetke keshendi daiarlaýǵa jaǵdai jasaý máselesin nazarǵa alǵan.
Jetinshi blok memlekettik qorǵanys tapsyrysyn iske asyrýdy damytýǵa kóńil bóledi.
Zańnyń mátini baspasózde jariialanady.
