Memleket basshysy kórnekti ǵalym, fılologıa ǵylymdarynyń doktory Seıit Qasqabasovtyń otbasy men týǵan-týystaryna kóńil aıtý jedelhatyn joldady, - dep habarlaıdy Dalanews.kz.
Qasym-Jomart Toqaev tiltanýshy jáne ádebıettanýshy, Memlekettik syılyqtyń ıegeri Seıit Qasqabasov qaıtys bolýyna baılanysty onyń otbasy men jaqyn-jýyqtaryna kóńil aıtty.
"Seıit Asqaruly ult rýhanıatyn ulyqtap, qazaq aýyz ádebıetin tereń zerdeleýge bar sanaly ǵumyryn arnaǵan zıaly tulǵa edi. Ásirese, otandyq fólklortanýǵa ólsheýsiz úles qosty. İrgeli eńbekter jazyp, ulaǵatty ustaz retinde kóptegen shákirt tárbıeledi. Ónegeli ómir súrip, sońyna rýhanı mol mura qaldyrǵan Seıit Asqarulynyń jarqyn beınesi umytylmaıdy", – dep jazylǵan jedelhatta.
