Memleket basshysy "Qazaqstan temir joly" UK" AQ basqarma tóraǵasy Talǵat Aldybergenovti qabyldady, dep habarlaidy Dalanews.kz.
Prezidentke ulttyq kompaniia qyzmetiniń nátijeleri týraly málimet berildi. Talǵat Aldybergenov biylǵy birinshi jartyjyldyqtyń qorytyndysy boiynsha eksplýatatsiialyq júk ainalymy 8,6 paiyzǵa ulǵaiǵanyn aitty.
Tranzit tasymalynyń kólemi 14,6 million tonnaǵa jetken. Transulttyq temirjol dálizin qalyptastyrý úshin 1700 shaqyrymnan asa jańa jeli salynyp, 3 myń shaqyrym jol jańǵyrtylyp jatqany baiandaldy:
- biyl Dostyq-Moiynty ýchaskesindegi joldyń ekinshi bóligi jáne Almaty beketin ainalyp ótetin temir jol jelisiniń qurylysy aiaqtalady;
- Darbaza – Maqtaaral jobasyn iske asyrý jalǵasyp jatyr;
- Baqty – Aiagóz jáne Qyzyljar – Moiynty jelileriniń qurylysy bastaldy.
Terminal jelilerin keńeitý jumystary júrgizilip jatqany jóninde málimet berdi. Tsifrlandyrý máselesine de airyqsha nazar aýdarylatynyn jetkizdi:
- Álemdik deńgeidegi innovatsiianyń kóshbasshylarymen birlesip, temirjol kóliginiń sapasyn jaqsartý jáne qaýipsizdigin qamtamasyz etý jumystary qolǵa alynǵan;
- Transkaspii halyqaralyq kólik dálizindegi tranzittik deklaratsiiany resimdeý ýaqyty 8 saǵattan 30 minýtqa deiin qysqardy.
Memleket basshysy Qazaqstannyń tranzit áleýetin jáne ekonomikasyn damytýda kompaniia úlken ról atqaratynyn atap ótip, kólik infraqurylymyn odan ári jańǵyrtýdyń mańyzyna toqtaldy.
