Byltyr Atyraýda ótken Ulttyq quryltaıda Memleket basshysy Ulttyq kitap kúnin belgileý jóninde tapsyrma bergen bolatyn. Soǵan sáıkes bıyldan bastap 23 sáýir Ulttyq kitap kúni bolyp belgilendi, dep habarlaıdy Dalanews.kz.
Ataýly kúnge oraı Prezıdent Qasym-Jomart Toqaev qazaqstandyqtardy quttyqtady.
"Bıyl alǵash ret atalyp jatqan Ulttyq kitap kúni qutty bolsyn! Bul – bilimpazdyq, izdenimpazdyq, kitapqumarlyq sıaqty ıgi qasıetterdi dáripteıtin kún. Kitap oqyǵan urpaq ozyq oıly bolady. Sapaly ult osyndaı qundylyqtar arqyly qalyptasady", – dep jazylǵan quttyqtaýda.
