Memleket basshysy Qasym-Jomart Toqaev Jambyl oblysynyń ákimi Erbol Qarashókeevti qabyldady, dep habarlaidy Dalanews.kz.
Qarashókeev prezidentke óńirdiń biylǵy birinshi jartyjyldyqtaǵy áleýmettik-ekonomikalyq damýynyń qorytyndylary týraly esep berdi.
Erbol Qarashókeevtiń aitýynsha, oblys ekonomikasy qarqyndy ósip keledi. Atap aitqanda, qurylys salasynda 12,3 paiyz, bailanysta 8,5 paiyz, kólik baǵytynda 7,4 paiyz, agrarlyq sektorda 4 paiyz ósim bar. Turǵyn úidi paidalanýǵa berý kórsetkishi 2,3 paiyzǵa (311 myń sharshy metr) artqan. Negizgi kapitalǵa 196,3 milliard teńge tartylǵan. Óńirdiń 2027 jylǵa deiingi investitsiialyq portfelinde jalpy quny 2,5 trillion teńgeni quraityn 70 joba bar. Bul 6,3 myń jumys ornyn ashýǵa múmkindik beredi. Jyl sońyna deiin 19 jańa óndiris ornyn iske qosý josparlanyp otyr. Oblys ekonomikasyndaǵy óńdeýshi ónerkásip sektorynyń úlesi 64,5 paiyzǵa jetti. Bul rette sheteldik iri kompaniialarmen kelisim aiasynda júzege asyp jatqan fosfor ónerkásibiniń róli airyqsha. Búginde aimaq sharýalary egin jinaý naýqanyna kirisip ketti.
Boljam boiynsha biyl negizgi daqyldardyń jalpy túsimi 2,1 million tonnaǵa jetedi. Sonymen qatar memleket basshysyna óńirdegi áleýmettik infraqurylymdy damytý jóninde baiandaldy. Naqty aitqanda, oblysta 26 densaýlyq saqtaý, 41 bilim berý mekemesiniń qurylysy júrip jatyr. Biyl 452 meditsinalyq jabdyq pen 38 sanitarlyq avtokólik satyp alý josparlanýda. Jyl sońyna deiin 19 mektep paidalanýǵa beriledi. Nátijesinde 2 apatty, 4 úsh aýysymdy, 3 tozyǵy jetken, sondai-aq oqýshy orny jetispeitin 10 mekteptiń máselesi sheshiledi. Memleket basshysynyń tapsyrmasyna sáikes osy jyldyń sońyna deiin 37 eldi meken ortalyqtandyrylǵan aýyz sýmen qamtamasyz etiledi.
Respýblikalyq "Taza Qazaqstan" ekologiialyq aktsiiasy aiasynda óńirdegi tarihi-mádeni eskertkishter, saiabaqtar men gúlzarlar, arnalar men aryqtar tazartylyp, 60 myńǵa jýyq kóshet otyrǵyzyldy. Kezdesý sońyńda prezident oblys ákimine óńirdi áleýmettik-ekonomikalyq turǵydan odan ári damytýǵa jáne turǵyndardyń tabysyn arttyrýǵa baǵyttalǵan birqatar tapsyrma berdi.
