Memleket basshysy Qasym-Jomart Toqaev pen Abý Dabidiń Taq murageri sheih Haled ben Muhammed ben Zaid Ál Nahaian elordadaǵy sheih Halif ben Zaid Ál Nahaian atyndaǵy №84 mektep-litseidi aralap kórdi, dep habarlaidy Dalanews.kz.
Mártebeli meimandarǵa qazirgi kezde oqý oshaǵynda 2800 bala bilim alyp, 159 pedagog eńbek etetini jóninde aqparat berildi. Biylǵy oqý jylynda "Tsifrly mektep" jobasy daiyndalyp, jaratylystaný jáne matematika pánderi 7 baǵytta, atap aitqanda, IT STEM, FAB LAB, robotty tehnika, qoldanbaly matematika, bioinjeneriia, matematikalyq modeldeý, biohimiia salalaryna bólip oqytyldy.
Qasym-Jomart Toqaev pen sheih Haled ben Muhammed ben Zaid Ál Nahaian arab tili kabinetin kórdi. Mektep oqýshylary arab tili men ádebietin meńgerýde jetken jetistikterin tanytty.
Sondai-aq oqýshylar Qazaqstan Prezidenti men Abý Dabidiń Taq muragerine mektep mýzeiin tanystyrdy. Onda eki eldiń yntymaqtastyǵy men dostyǵyna arnalǵan kórme uiymdastyrylǵan. Ekspozitsiiaǵa ejelgi dáýirden búginge deiingi arab álemi jóninde syr shertetin kitaptar, ulttyq kiim úlgileri men tarihi jádigerler qoiylǵan.
