Toqaev: "Nazarbaevtyń kelesi prezident sailaýyna túserine senbeimin"
"Shynymdy aitsam, óz basym Nazarbaevtyń 2020 jylǵy prezident sailaýyna qatysaryna senbeimin. Sebebi, ol óte kemeńger jáne asa parasatty adam. Meniń oiymsha, 2020 jyly Qazaqstanda Nazarbaevtan ózge kanditattar baq synaityn prezident sailaýy ótedi", – degen edi endigi jerde eks-Senat tóraǵasy Toqaev.
Alaida bul óziniń "jeke pikiri" ekenin taǵy bir qaitalap ótken Toqaev, túptep kelgende sailaýǵa túsý-túspeý týraly sheshimdi Nazarbaevtyń ózi qabyldaitynyn aitqan.
"Degenmen, ashyp aitar bolsam, óz basym onyń kelesi sailaýǵa túserine senbeimin", – degen-tuǵyn Toqaev.
Telearna tilshisiniń "2020 jylǵy prezident sailaýyna túsetin jospary bar ma?" degen saýalyna Toqaev: "Bulai dep aitpas edim" dep jaýap bergen.
– Nazarbaev bul eldiń prezident bolmaǵan kúnde de eldiń ishki-syrtqy saiasatyna orasan zor yqpal etetin bolady, – degen Toqaev.
Keiin bul suhbat qyzý talasqa túsip, Toqaev aitqanyn ejiktep ótýge májbúr bolǵan.
– Bul maǵan qoiylǵan kóp saýaldyń biri ǵana edi. Elbasy kelesi sailaýǵa qatyssa da, qatyspasa da ishki jáne syrtqy saiasatqa kelgende sońǵy sózdi sol aitatyn bolady. Prezident bedeliniń shekarasy sheksiz, Elbasyny el qoldaidy, ol Ult kóshbasshysy jáne sol statýsyn saqtap qalady" , – degen edi Toqaev.
