Qazaqstan prezidenti Qasym-Jomart Toqaev odaqtas elder Resei men Belarýs quramyna kirýge qajettilik joq dep málimdedi. Osylai dep jergilikti BAQ jazdy.
"Birer kún buryn Belarýs prezidenti Aleksandr Grigorevich Lýkashenko Qazaqstanǵa Odaqtas memleket quramyna kirýge usynys jasady. Men onyń qaljyńyn laiyqty baǵaladym. Bizde oǵan qajettilik joq. Eýraziialyq ekonomikalyq odaq sekildi integratsiialyq birlestik bar. Iadrolyq qarýǵa keletin bolsaq, bizge onyń qajeti joq Sebebi, biz Iadrolyq qarý taratpaý jóninde kelisimge qol qoiǵanbyz. Biz halyqaralyq qujattar talabyn oryndaimyz", - dedi Toqaev Lýkashenkonyń sóilegen sózine qatysty.
QazTAG Lýkashenkonyń Qazaqstandy iadrolyq qarý úshin odaqqa kirýge Qazaqstanǵa usynys bildirgen sózderin jariialaǵan.
24 mamyrda Máskeýde ótken Eýraziialyq ekonomikalyq forým kezinde Resei men Belarýs odaǵyn Eýraziialyq ekonomikalyq odaqqa qarsy qoiǵan.
"Biz eskerýge tiis kontseptýal shyndyq nemese erekshelik bar. Bul – Eýraziia ekonomika odaǵy aiasyndaǵy Resei men Belarýs odaǵy. Iaǵni álemdik saiasat tarihynda biregei qubylys paida boldy – saiasi, zańnamalyq, áskeri, ekonomikalyq, valiýtalyq, mádeni, gýmanitarlyq keńistigi bir, birtutas odaq úkimeti men birtutas odaq parlamenti bar "Eki el – bir memleket" formýlasy boiynsha memleket quryldy. Keshirińiz, tipti qazir ekeýiniń iadrolyq qarýy da ortaq" degen edi Toqaev.
