Prezident Qasym-Jomart Toqaev Koreianyń birqatar azamatyn marapattady, dep habarlaidy dalanews.kz.
Seýlde Koreia Respýblikasynyń memleket jáne qoǵam qairatkerlerine II dárejeli "Dostyq" ordeni saltanatty túrde tabystaldy. Memleket basshysy búgingi mán-mańyzy erekshe rásimge jinalǵan qaýymǵa iltipat bildirip, qazaq pen korei ejelden dostas halyqtar ekenine nazar aýdardy.
"Eki eldiń arasy alshaq bolǵanymen, bizdi ózara qurmet pen ortaq múdde jaqyndastyrady. Koreia ekonomikasy ainalasyndaǵy básekelestik pen syn-qaterlerge qaramastan oidaǵydai damýda. Bul – halyqtyń eńbekqorlyǵy men iri kásipkerlerdiń arqasy. Qazaq halqy men bilik ókilderi dostas Koreia eline shynaiy syilastyqpen qaraidy. Koreia Respýblikasy – Qazaqstannyń strategiialyq seriktesi. Biz Koreiany halyqaralyq abyroi-bedeli zor memleket retinde bilemiz. Búginde memleketterimizdiń san qyrly yntymaqtastyǵy jyl sanap nyǵaiyp keledi. Osydan bes jyl buryn Keńeitilgen strategiialyq seriktestik týraly málimdeme qabyldaǵan edik", – dedi Qasym-Jomart Toqaev.
Prezident eki memleket arasynda tereń saiasi dialog ornap, san qyrly yntymaqtastyq nyǵaiǵanyn atap ótti.
"Saýda-ekonomikalyq qarym-qatynas qarqyndy damyp kele jatyr. Biz mashina jasaý, energetika, metallýrgiia, ozyq tehnologiia jáne basqa da salada birqatar iri jobany júzege asyryp jatyrmyz. Álemge tanymal korei kompaniialary elimizde tabysty jumys isteýde. Mádeni-gýmanitarlyq bailanysymyz da kúsheidi", – dedi Memleket basshysy.
Rásim barysynda Koreia Respýblikasy Ulttyq jinalysynyń 22-shaqyrylym depýtattary Men Son Giý men Li Chje-kan, Seýl kiberýniversitetiniń prezidenti Li San Giýn, Hangýk shet tilderi ýniversitetiniń (HUFS) professory, Ortalyq Aziiany zertteý institýtynyń direktory Son Ion Hýn, Hyundae General Hospital kópbeiindi klinikasynyń direktory Kim Bý Sop II dárejeli "Dostyq" ordenimen marapattaldy.
