Prezident Toqaev Altai Kólginovti jańa qyzmetke taǵaiyndady, - dep habarlaidy Dalanews.kz.
"Memleket basshysynyń Jarlyǵymen Altai Seidiruly Kólginov Qazaqstan Respýblikasynyń Estoniia Respýblikasyndaǵy Tótenshe jáne Ókiletti Elshisi laýazymyna taǵaiyndaldy", - delingen Aqorda habarlamasynda.
Bul qyzmette bolǵan Nurlan Seitimov laýazymynan bosatylǵan.
Aita keteiik, Kólginov ár jyldary túrli qyzmet atqarǵan. Mysaly 2008-2010 jyldary - "AlashMediaGrýpp" JShS bas direktorynyń orynbasary, 2010-2012 jyldary Qazaqstan Respýblikasy Prezidenti Ákimshiliginiń aimaqtyq-uiymdastyrý jáne memlekettik baqylaý jumystary bóliminiń memlekettik inspektory qyzmetin atqardy. Al 2012-2013 jyldary Batys Qazaqstan oblysy ákiminiń orynbasary bolsa, 2013-2016 jyldary Oral qalasynyń ákimi qyzmetinde boldy.
2016 jyldyń 26 naýryzynan Batys Qazaqstan oblysynyń ákimi qyzmetin atqardy.
2019 jyldyń 13 maýsymynan 2022 jyldyń 9 jeltoqsanyna deiin Astana qalasynyń ákimi bolyp qyzmet etken.
Al 2022 jyly Premer-Ministriniń orynbasary bolyp taǵaiyndaldy.
