Memleket basshysy kásipkerlerdiń quqyǵyn qorǵaý jónindegi ýákil Qanat Nurovty qabyldady, - dep habarlaidy Dalanews.kz.
Prezidentke biznes-ombýdsmenniń 2024 jyly atqarǵan jumysynyń nátijeleri týraly esep berildi.
Qanat Nurov kásipkerlerdiń quqyǵy buzylýyna qatysty kelip túsken 3275 shaǵymnyń 1759-y (53,7%) boiynsha oń sheshim qabyldanǵanyn jetkizdi. Sonyń nátijesinde 20 milliard teńgeden astam shyǵynnyń aldyn alýǵa múmkindik týdy. Jalpy, aryz-shaǵym sany 12 paiyzǵa azaiǵan. Bul ákimshilik ádilet institýtynyń tiimdiligin kórsetedi.
Memleket basshysynyń tapsyrmasyn oryndaý maqsatynda biznestiń damýyn tejeitin basy artyq ákimshilik kedergilerdi anyqtaýǵa jáne joiýǵa basa mán berildi.
Sonymen qatar biznes-ombýdsmen kásipkerlik qyzmetti retteitin normativtik-quqyqtyq aktilerge ózgerister engizýge qatysty birqatar usynysyn jetkizdi. Keibir jekelegen jaǵdaiattar boiynsha tiisti retteýshi jáne quqyq qorǵaý organdaryna talap-aryz joldanǵan.
Kezdesý sońynda Prezident Qasym-Jomart Toqaev kásipkerlerdiń quqyǵyn qorǵaý sharalaryn odan ári kúsheitý mańyzdy ekenine nazar aýdardy. Memleket basshysy Kásipkerlikti qorǵaý strategiiasyn júzege asyrý aiasynda qordalanǵan problemalardy sheshýge baǵyttalǵan birqatar tapsyrma berdi.
