Memleket basshysy Qasym-Jomart Toqaev birneshe zańǵa qol qoidy. Bul týraly Aqordanyń baspasóz qyzmeti málimdedi, dep jazady dalanews.kz.
Prezident qol qoiǵan qujattar Qazaqstan Respýblikasynyń Konstitýtsiiasyna sáikestendirý, sondai-aq sailaý, prokýratýra jáne áleýmettik qamsyzdandyrý salasyndaǵy zańnamany jetildirýge baǵyttalǵan.
Atap aitqanda, Memleket basshysy keibir konstitýtsiialyq zańdarǵa ózgerister men tolyqtyrýlar engizý týraly Konstitýtsiialyq zańǵa qol qoidy. Sonymen qatar birqatar zańnamalyq aktilerge sailaý, prokýratýra jáne áleýmettik qamsyzdandyrý máseleleri boiynsha túzetýler engizýdi kózdeitin zań bekitildi.
Budan bólek, Qylmystyq, Qylmystyq-protsestik, Qylmystyq-atqarý kodeksterine jáne Ákimshilik quqyq buzýshylyq týraly kodekske ózgerister men tolyqtyrýlar engizý týraly zańǵa da qol qoiyldy.
Atalǵan zańdardyń tolyq mátini baspasózde jariialanady.
