Prezident Qasym-Jomart Toqaev Vashingtonda Ázerbaijan men Armeniia elderi arasynda qol qoiylǵan kelisimdi tarihi jetistik dep sanaidy,- dep habarlaidy Dalanews.kz
Atalǵan qujat qos memleket arasyndaǵy uzaqqa sozylǵan áskeri qaqtyǵysty túbegeili toqtatyp, diplomatiialyq qatynas ornatýǵa jáne berik bitim negizinde yntymaqtastyqty damytýǵa jol ashty.
Memleket basshysynyń pikirinshe, Ázerbaijan men Armeniianyń mundai kelisimge qol qoiýy – AQSh Prezidenti Donald Tramptyń tegeýrindi ári tiimdi bitimgerlik missiiasynyń arqasy. Ol Ázerbaijan jáne Armeniia basshylaryn saiasi erik-jiger tanytyp, strategiialyq turǵydan kóregen sheshim qabyldaýǵa kóndire aldy.
Prezident Qasym-Jomart Toqaev Qazaqstan da eki el arasyndaǵy osynaý mańyzdy ýaǵdalastyqqa qol jetkizýge eleýli úles qosty dep sanaidy. Elimiz beibit kelisimniń negizgi sharttaryna qatysty syrtqy ister ministrleriniń deńgeiindegi kelissóz alańy retinde Almaty qalasyn usyndy. Ministrler arasyndaǵy kelissózder Almatyda ótti.
Eske salaiyq, buǵan deiin Armeniia men Ázerbaijan Vashingtonda beibitshilik týraly deklaratsiiaǵa qol qoiǵanyn jazǵan bolatynbyz.
