Prezident Qasym-Jomart Toqaev Assambleianyń basty mindetterin atady, dep habarlaidy Dalanews.kz.
Birinshiden, Assambleia aimaqtardaǵy jumysty jandandyrýy kerek.
"Byltyr elimizdiń rýhani jáne tarihi-mádeni ordasy – Túrkistanda jańa Dostyq úii ashyldy. Endi osyndai Dostyq úiin halyq tyǵyz qonystanǵan Almaty oblysynda salý qajet. Bul ǵimarat aimaqtyń qoǵamdyq ómiri úshin óte mańyzdy ortalyq bolmaq. Túrli etnos ókilderi turatyn Qordai, Uiǵyr, Sairam, Panfilov jáne basqa da aýdandarda Assambleia ashý kerek. Sonymen qatar Dostyq úileri taǵy birneshe qala men aýdan ortalyǵynda ashylady dep josparlanyp otyr.
Men bul bastamany qoldaimyn. Biz qoǵamdyq kelisim infraqurylymyn birtindep keńeite berýimiz kerek. Barlyq aimaqtaǵy Dostyq úilerin óz azamattarymyz da, qajet bolyp jatsa, sheteldik qonaqtar da baratyn týristik baǵyttar kartasyna engizgen jón. Quzyrly organ basshylary men ákimder Assambleianyń etnomediatsiia salasyndaǵy jumysyna jan-jaqty qoldaý kórsetýge tiis. «Eldesý jáne tatýlasý» jobasynyń aýqymyn keńeitip, ony aldaǵy eki jylda búkil elge taratý qajet. Úkimet pen ákimder Assambleianyń basqa da jobalaryn qoǵamdyq-saiasi jumys josparlaryna qosyp, naqty sharalar qabyldaýy kere", deidi Prezident.
Ekinshiden, aqparattyq keńistikte birlik men kelisim ideialaryn keńinen dáripteý mańyzdy.
"Bul – Assambleianyń barlyq qurylymyna, ásirese, jýrnalister klýbyna qatysty kezek kúttirmeitin mindet. Salalyq ministrlik, óńir ákimderi QHA jýrnalister klýbynyń quramyna jetekshi buqaralyq aqparat quraldarynyń ókilderin qosyp, klýb jumysynyń biryńǵai algoritmin jasaýy kerek. Qazaqstandaǵy etnostardyń tilinde shyǵatyn, eń aldymen, óńirlerdegi buqaralyq aqparat quraldaryna júieli túrde qoldaý kórsetken jón", deidi Memleket basshysy.
Úshinshiden, «Birligimiz – áralýandyqta» qaǵidatyn júzege asyrý úshin mádeniet pen ónerdiń áleýetin tolyq paidalanǵan durys.
"Aleksandr Pýshkin, Taras Shevchenko, Fedor Dostoevskii, Mihail Sholohov jáne basqa da tulǵalardyń mýzeileri – Qazaqstan mádenietiniń baǵa jetpes qazynasyn tolyqtyryp tur. Bul mýzeilerdi kópshilikke tanytý úshin ekspozitsiialaryn Astana men Almatyda uiymdastyrý mańyzdy. Keibir etnomádeni birlestikter biregei óner jáne etnografiialyq jeke kollektsiialardy jinady. Bul da elimizdiń mádeni murasyna ainalýǵa tiis. Qazaqstanda 9 orys drama teatry tabysty jumys istep jatyr. Sondai-aq erekshe tórt etnos teatry, iaǵni, uiǵyr, korei, ózbek jáne nemis teatrlary kórermenniń kózaiymy bolyp júr. Assambleianyń 30 jyldyǵy aiasynda Almatyda báriniń basyn qosyp, Qazaqstan etnostary teatr óneriniń festivalin ótkizsek bolady. Halyq kóp keledi dep oilaimyn.
Natalia Dýbs hanym teatr men mádeniet salasyna tehnikalyq mamandardy daiarlaý máselesin oryndy kóterip otyr. Bul bastamany zerttep, ony júzege asyrýǵa kómektesý qajet", deidi Prezident.
