Memleket basshysy Alataý qalasyna arnaýly mártebe berý týraly jarlyqqa qol qoidy, - dep habarlaidy Dalanews.kz
Buǵan deiin Prezident Alataý qalasy elimizdiń jańa iskerlik jáne innovatsiialyq ortalyǵy bolýǵa tiis ekenin málimdedi. Bul týraly "Jasandy intellekt dáýirindegi Qazaqstan: ózekti máseleler jáne ony túbegeili tsifrlyq ózgerister arqyly sheshý" atty Qazaqstan halqyna joldaýynda aitty.
"Kelesi qadam – Alatau City-diń myqty institýtsionaldyq negizderin qalyptastyrý. Sodan keiin jarty jyldan asyrmai, jeke zań qabyldaý qajet. Qujatta qalany basqarý rejimi, onyń qarjylyq modeli jáne basqa da mańyzdy máseleler qamtylýǵa tiis. Arnaiy quqyqtyq mártebe – qalaǵa beriletin artyqshylyq emes, jobanyń qaǵaz júzinde qalyp qoimai, naqty iske asýyna qajetti shara nemese qural ekenin aita ketken jón. Alatau City aimaqtaǵy tolyq tsifrlanǵan alǵashqy qalaǵa ainalýǵa tiis. Munda Smart City tehnologiialaryn qoldanýdan bastap taýarlar men qyzmet aqysyn kriptovaliýtamen tóleýge deiingi jańalyqtyń barlyǵy engizilýi kerek. Bul qala Qazaqstannyń keleshektegi kelbetin tanytpaq. Onda tehnologiialyq órleýge jáne ómir súrýge barynsha qolaily jaǵdai úilesim tabýy qajet", - dedi Prezident buǵan deiin.
