Memleket basshysy Adam quqyqtary jónindegi ýákildiń Astana qalasy boiynsha ókili Baian Jalmaǵanbetovany qabyldady, dep habarlaidy Dalanews.kz.
Kezdesýde adam quqyqtaryn qorǵaý, sonyń ishinde múmkindigi shekteýli jandarǵa qolaily jaǵdai jasaý máseleleri talqylandy.
Baian Jalmaǵanbetova Memleket basshysyna atalǵan salaǵa qatysty birqatar usynysyn jetkizdi.
Prezident 2023 jyldyń jeltoqsan aiynda arnaiy Jarlyqpen Adam quqyqtary men zań ústemdigi salasyndaǵy is-qimyl jospary bekitilgenin atap ótip, ombýdsmen jáne onyń ókilderi osy qujatty tiimdi júzege asyrý isinde negizgi institýt rólin atqaratynyna nazar aýdardy.
Qasym-Jomart Toqaev azamattyq belsendilik tanytqany úshin Baian Jalmaǵanbetovaǵa rizashylyǵyn bildirip, basqa óńirler elordaǵa qarap boi túzeitinin, sondyqtan bul iste oǵan airyqsha jaýapkershilik júkteletinin aitty.
Prezident múmkindigi shekteýli jandardyń muń-muqtajyn sheshý úshin ákimdikpen jáne ministrliktermen tyǵyz jumys isteý, úkimettik emes uiymdardy ortaq iske jumyldyrý mańyzdy ekenine toqtaldy.
