2023 jyldyń qyrkúieginde Tomiris" kitabynyń avtory Erjan Orymbetov Almaty qalalyq sotyna shaǵym túsirip, avtorlyq quqyqty buzǵany úshin Nursultan men Áliia Nazarbaevtardan 50 million teńge óndirýdi talap etken edi. Degenmen sot shaǵym bergennen keiin bir ai ótken soń sot qylmystyq isti qozǵaýdan bas tartqan, dep habarlaidy Dalanews.kz Stan.kz portalyna siltep.
Jazýshy bul jaǵdaidy portal tilshilerine egjei-tegjeili túsindirip bergen. Erjan Orymbetov 2013 jyly "Tomiris" kitabyn jazyp, ony film túsirý úshin Nursultan Nazarbaev pen mádeniet jáne sport ministrligine usynǵan.
Jazýshynyń aitýynsha, Nursultan Nazarbaev óziniń kómekshisi arqyly kitap úshin alǵysyn jetkizgen. Alaida ol film túsirilimine qoldaý jasamaǵan kórinedi.
"2017 jyly 10 qyrkúiek... Aiaq-astynan Áliia Nazarbaevanyń "Tomiris" filmin túsirip, prodiýserlik etetini belgili boldy. 2017 jyly 26 sáýirde prezident Nursultan Nazarbaev rejisser Aqan Sataevpen kezdesip, "Tomiris" filminiń stsenarii boiynsha usynysyn berdi", – dedi jazýshy.
Erjan Orynbetov film onyń qatysýynsyz túsirilgenin aitty. Al filmniń tusaýkeseri bolǵan soń, jazýshy týyndynyń plagiat ekenine kózi jetken. Naqtyraq aitsaq, film siýjeti, kórinisteri, dialogtary kelisimimsiz sózbe-sóz kitabynan kóshirilgen eken. Budan keiin jazýshy birden filmdi túsirýshi men tapsyrys berýshige avtorlyq quqyǵy buzylǵany týraly hat jazady. Mádeniet jáne sport ministrligi men "Qazaqfilm" AQ-nyń birlesken jaýabynda kitap pen filmdegi sáikes keletin tustar az jáne kezdeisoq ekeni aitqan.
"Máselen, meniń kitabymdaǵy erekshe sóz tirkesi "Hvatit slov!” filmde úsh ret aitylǵan. Al shyǵarmamdaǵy Kirdiń saq taipalaryna arnalǵan "Ia sotrý ih s litsa zemli" degen jeke sóilem filmde eki ret qoldanylǵan. Jumysymnan kóshirilgen mundai tirkesterdiń legi kóp. Olardyń bári qosymshada usynylǵan. Sonymen qatar Spargapistiń uly 3 jasynda at ústinde otyrǵany jáne 4 jasynda sadaq tartqany týraly kitabymnan alynǵan. Mundai kórinistiń úsheýi filmde kórsetilgen", – dep atap ótti avtor.
Jazýshy "Tomiris" filminde kitabynan 56 kórinis pen siýjet kóshirilgenin tilge tiek etti. Erjan Orymbetov birinshi aryzyn Almaty qalasyndaǵy Almaly aýdandyq sotyna jazǵan.
"Biraq sot ókilderi jaýapker qai qalaǵa tirkelse, sol jerdegi quzyrly organǵa shaǵymdanyńyz dep aryzymdy qaitardy. Sóitip Astana azamattyq sotyna 2023 jyldyń 19 qyrkúieginde aryz berdim. Mine, 4 ai ótti. Áli sot ókilderinen habar joq", – dedi "Tomiris" kitabynyń avtory.
Erjan Orymbetov sottan jaýapkerlerden talapkerdiń paidasyna moraldyq jáne materialdyq zalaldy óndirip alýdy suraǵan. Onyń talap etken somasy – 50 million teńge.
Alaida is qozǵalmai, talapkerden Nazarbaevtardyń turǵylyqty jeri men JSN (IIN) berýin suralǵan. Sóitip is toqtap turǵandyqtan, jazýshy prezident Qasym-Jomart Toqaevqa hat jazyp, sot úkimdi sozbaqqa salǵanyn jetkizedi. Eń qyzyǵy, sýdia jazýshyǵa aryzdanǵany úshin memlekettik baj salyǵyn (1,5 million teńge) tóleýdi talap etken.
Film jaryqqa shyqqannan keiin jazýshy birneshe basylymǵa plagiat týraly málimet bergen. Avtordyń suhbaty aqparat betine shyǵa sala, sol kúni úiine politseiler kelgen.
"Taǵy shý shyǵarsam, 5 jyl túrmede otyratynymdy túsindim. Biraq men plagiat týraly jazýdy jáne aitýdy toqtatqan joqpyn. Sodan keiin qoqan-loqy kórsetý bastaldy”, – dedi jazýshy.
Aitýynsha, kóliginiń dóńgelekteri kesilgen jáne poshta jáshigi synǵan.
Eske sala keteiik, eks-mádeniet jáne sport ministri Aqtoty Raiymqulova tarihi drama kassadan nebári 480 million teńge jinaǵanyn málimdedi.
Kollaj: Dalanews.kz
