Tólebi aýdanynda biyl 59 kóshe jóndeýden ótedi
Qazirgi tańda Aqqum aýyldyq okrýgindegi Áli ata, Qasqasý aýyldyq okrýgindegi Qýandyq jáne O.Tájibaiuly, Alataý aýyldyq okrýgindegi M.Mahataev, Kósáiek aýyldyq okrýgindegi Tólebi kóshelerin jóndeýden ótkizý úshin konkýrs qorytyndysy alynyp, merdiger mekememen kelisim-shart túzý jumystary bastaldy. Qalǵan joldardy jóndeý úshin memlekettik satyp alý portalynda konkýrs ótkizilip jatyr.
2023 jyldyń qorytyndysymen oblystyq mańyzy bar joldardy 99,5%-ǵa, aýdandyq mańyzy bar joldardy 90,3%-ǵa, eldi mekenderdiń ishki kóshelerdiń qanaǵattanarlyq jaǵdaiyn 80,1%-ǵa jetkizý josparlanýda.
Osy jyly aýdan aýmaǵynda jalpy kóshelerdi abattandyrý, aiaqjol salý, eldi mekenniń ataýy jazylǵan arka ornatý jáne zamanaýi balalar oiyn alańshasyn salý boiynsha 180156,0 myń teńgege 12 nysannyń qurylysy júrgiziledi. Búginde Lengir qalasy, Tólebi kóshesinen Amankeldi kóshesine deiingi aralyqqa, Tólebi kóshesine, I móltek aýdanyndaǵy 230 metr jerge aiaqjol salý jumystary qarqyn aldy. Budan bólek, oblys ákiminiń tapsyrmasyna sáikes, Tóle bi kóshesiniń boiyndaǵy eki qabatty turǵyn úilerdiń qasbetterin retke keltirý jumystary júrgizilýde.
