– Tólebi – taý baýraiyndaǵy saf taza aýasy, tamyljyǵan tabiǵaty bar ólke. Búgingi úiler «Nurly jer» baǵdarlamasy boiynsha usynylyp otyr. Memleket basshysynyń tapsyrmasy boiynsha biyl da qoljetimdi turǵyn úi qurylysynyń kólemi artady. Osynyń bári – halyqtyń ál-aýqatyn arttyrýǵa baǵyttalǵan memlekettik saiasattyń jemisi. Jańa qonys ielerin shyn júrekten quttyqtaimyn. Shańyraqtaryńyz molshylyq pen berekege tolyp, elimiz aman, jurtymyz tynysh bolsyn! – dedi Ómirzaq Shókeev.
Tólebi aýdanynda barlyǵy 4520 azamat turǵyn úige muqtaj retinde kezekke tirkelgen. Bul baǵytta jumys jalǵasady. 2021 jyly Túrkistan oblysynda 823,8 myń shashy metr turǵyn úi (6590 páter) paidalanýǵa berilgen.
Jumys sapary barysynda Ómirzaq Shókeev «Nátijeli jumyspen qamtý jáne jappai kásipkerlikti damytýdyń 2017-2021 jyldarǵa arnalǵan «Eńbek» memlekettik baǵdarlamasy aiasynda memlekettik grant alǵan azamattardyń jumysymen tanysty. Tólebide «Eńbek» memlekettik baǵdarlamasynyń ekinshi baǵyty aiasynda 38 turǵynǵa nesie berilgen. 70 adam jańa biznes ideialaryn iske asyrýǵa arnalǵan memlekettik grantqa ie bolǵan. Oblys ákimi aýdan ákimi men jaýapty basshylarǵa turǵyndardy jumyspen qamtý baǵytyndaǵy jumysty kúsheitýdi tapsyrdy.
Óńir basshysy aýdan ardagerlerimen, etno-mádeni birlestik tóraǵalarymen jáne jastar ókilderimen, jergilikti turǵyndarmen kezdesti. Erkin pikir almasý formatynda ótken kezdesýde Prezident Qasym-Jomart Toqaevtyń tapsyrmalaryn oryndaý baǵyttary, memleketti damytýdaǵy jańa josparlary sóz boldy. Sonymen birge ótkir máseleler qozǵalyp, turǵyndardyń usynystary men ótinishteri tyńdaldy. Ómirzaq Shókeev árbir usynys hattamaǵa engizilip, tiisti jumys atqarylatynyn málimdedi.
