Tokio Olimpiadasyna túrkistandyq sportshylary qyzý daiyndalýda
Jazǵy Olimpiada oiyndaryna 4 sport túrinen oblystyń 5 sportshysy úmitkerler qatarynda. Bul týraly brifingte oblystyq deneshynyqtyrý jáne sport basqarmasynyń basshysy Qanat Joldyqaraev málimdedi.
HHHII jazǵy Olimpiada oiyndaryna Túrkistan oblysynan úmitkerlerdiń qatarynda dziýdodan Didar Hamza, taekvondodan Nurlan Myrzabaev, baidarka jáne kanoe esýden Inna Klinova men Natalia Sergeeva, al akademiialyq esýden Vladislav Iakovlev bar.
Aita keterligi, Túrkistan oblysynda Qajymuqan Muńaitpasulynyń 150 jyldyǵy joǵary deńgeide atalyp ótilýde.
– Qajymuqannyń 150 jyldyǵyn atap ótý maqsatynda 6-7 sáýir kúnderi Otyrar aýdanynda qazaq kúresinen jasóspirimder arasynda oblystyq ashyq týrnir ótti. Sondai-aq, aǵymdaǵy jyldyń 7 sáýir-7 mamyr aralyǵynda Qajymuqan atyndaǵy oblystyq sport mýzeiimen birlese otyryp, «Túrkistan-Arena» stadionynda kúsh atasynyń kórmesi uiymdastyrylyp otyr. Sondai-aq, Ordabasy aýdanyndaǵy Qajymuqan atyndaǵy memorialdyq keshen qurylysyn jyl sońynda aiaqtaý josparlanǵan. QR Mádeniet jáne sport ministri bekitken josparǵa sáikes, qarasha aiynda Túrkistan qalasynda qazaq kúresinen halyqaralyq týrnir ótetin bolady, – dedi Qanat Jarylqapuly.
Sport túrlerinen respýblikalyq jáne halyqaralyq jarystardy sondai-aq, buqaralyq sporttyq is-sharalardy joǵary deńgeide ótkizýge múmkindik beretin sport nysandary búginde oblys ortalyǵy Túrkistan qalasynda salynyp, paidalanýǵa berildi. Olar: Olimpiada rezervin daiyndaý Ortalyǵynyń sport kesheni, «Túrkistan-Arena» stadiony jáne Basseindi sport saraiy.
