Almaty oblysynyń Talǵar aýdanynda toǵyzqumalaqtan U19 jáne U21 jas sanattary boiynsha Qazaqstan Respýblikasynyń XXIV jekelei chempionaty óz bastaýyn aldy, dep habarlaidy dalanews.kz.
El birinshiligine Qazaqstannyń 13 oblysy men 3 qalasynan kelgen 100-ge jýyq úzdik jas sportshy qatysyp, ulttyq ziiatkerlik oiynnan el chempiony ataǵy úshin baq synaýda. Chempionat jastardyń sheberligin shyńdap qana qoimai, toǵyzqumalaqty keńinen dáripteýge jáne ulttyq sportty damytýǵa baǵyttalǵan.
Biylǵy jarystyń mańyzy erekshe. Sebebi chempionat qorytyndysy boiynsha qarasha aiynyń 21–30 kúnderi Túrkiiada ótetin toǵyzqumalaqtan Álem chempionatyna qatysatyn Qazaqstan quramasy jasaqtalady.
Chempionattyń ashylý saltanatyna Toǵyzqumalaq sportynyń memlekettik jattyqtyrýshysy Dáýlet Ábdikárimov, Almaty oblystyq dene shynyqtyrý jáne sport basqarmasynyń ókilderi, sondai-aq respýblikalyq federatsiia basshylyǵy qatysty.
Jarys 2026 jyldyń 24–30 shilde aralyǵynda Almaty oblysy, Talǵar aýdany, Besaǵash mádeniet úiinde ótedi. Alǵashqy oiyndar 24 shilde kúni saǵat 10:00-de bastalyp, sol kúni saǵat 15:00-de chempionattyń saltanatty ashylý rásimi uiymdastyryldy.
Jarys jeńimpazdary men júldegerleri el chempiondary atanyp qana qoimai, Qazaqstan namysyn álemdik dodada qorǵaýǵa múmkindik alady.
