Qaraǵandy oblysynda «Aýyl – el besigi» jobasy 179 aýylda júzege asyrylýda, jospar boiynsha 140 nysan salynyp, jańǵyrtylady. 2019-2020 jyldary turǵyn úi-kommýnaldyq, áleýmettik jáne sporttyq-saýyqtyrý infraqurylymy salalaryndaǵy 73 jobany iske asyrý aiaqtaldy. Aǵymdaǵy jyly Qaraǵandy oblysynda 60 jobany júzege asyrýǵa 6,4 mlrd. teńge bólindi.
Eraly Toǵjanov Osakarov jáne Nura aýdandarynda salynyp jatqan nysandarmen tanysty. Aýyl turǵyndary úshin qolaily jaǵdai jasalǵan bilim berý, densaýlyq saqtaý, áleýmettik infraqurylym mekemelerine bardy.
Aǵymdaǵy jyly Nura aýdanynda tórt aýyl men eki kenttiń joldary jóndeldi, demalys parkine rekonstrýktsiia júrgizildi.
Premer-Ministrdiń orynbasary aýyl turǵyndary úshin qolaily orta qurý boiynsha respýblikadaǵy úzdik otyzdyqtyń qataryna engen Shahterskoe aýylyna bardy. Munda zamanaýi júzý basseini men dene shynyqtyrý-saýyqtyrý kesheni salynǵan.
Atalǵan joba Osakarov aýdanynda ortalyq jáne kentishilik kóshelerdi asfalttaý esebinen avtojoldardyń sapasyn edáýir jaqsartýǵa múmkindik berdi. Sondai-aq, aýdanda jeti áleýmettik mańyzdy joba júzege asyrylýda. Aýdandyq mektepte 700-ge jýyq oqýshy qosymsha bilimmen qamtylǵan.
Sondai-aq, Vitse-premer "Aýyl-el besigi" jobasyn joǵary baǵalap, el basshylyǵyna alǵys bildirgen Nura jáne Osakarov aýdandarynyń turǵyndarymen kezdesti.
Jalpy, Eraly Toǵjanov oblys ákimdiginiń aýyldaǵy ómir sapasyn jaqsartý boiynsha júrgizip jatqan jumysyna oń baǵa berdi.
Premer-Ministrdiń orynbasary "Aýyl - el besigi" jobasyn iske asyrý eldegi damý áleýeti joǵary aýyldardyń áleýmettik jáne injenerlik infraqurylymyn jańǵyrtýǵa múmkindik pen aýyldyq aýmaqtardy damytýǵa jańa serpin beretinin jáne jalpy el ekonomikasyna oń áser etetinin atap ótti.
