T.Jamanqulov isi boiynsha jańa figýranttardyń aty-jóni jariialandy
Halyq ártisi Tuńǵyshbai Jamanqulov, rejisse Talgad Jánibekov, "Feniks" filminiń atqarýshy prodiýseri Natalia Iýdina jáne "Qazaqfilm" AQ ekonomika jáne qarjy jónindegi atqarýshy direktory Gaýhar Ysqaqovalarmen qatar, qarajat jymqyrý jáne qylmysqa sybailas bolý kúdigine myna bes adam ilinip otyr:
Gizat Sultanov – stsenarist. Ol Jánibekovpen birge "Feniks" filminiń stsenariin jazǵan. Ol kinokartinanyń redaktory bolyp taǵaiyndalǵan.
Ilia Korobeinikov – is materialdary boiynsha jeke kásipker.
Bijan Ábishev – "Feniks" filminiń ekinshi rejisseri bolǵan.
Marlen Ábishev – Tergeýdiń málimetinshe, ol "Feniks" filminiń daiyndyǵynda túsirilim tobynyń direktory bolǵan.
Daniiar Ábdiqadyrov – Sotaldy tergeý kezinde onyń Jamanqulovpen jumys istegen JShS ókili bolǵan.
Osylaisha, Tuńǵyshbai Jamanqulov, Natalia Iýdina, Talgad Jánibekov, Gizat Sultanov, Gaýhar Ysqaqova QR Qylmystyq kodeksiniń "Senip tapsyrylǵan bóten múlikti asa iri mólsherde qylmystyq top bolyp iemdenip alý nemese talan-tarajǵa salý" baby boiynsha kúdikti bolyp otyr.
Ilia Korobeinikov, Marlen Ábishev, Bijan Ábishev, Daniiar Ábdyqadyrov QR Qylmystyq kodeksiniń 28-baby, 189-babynyń 5-bóligi jáne 4-bóligi boiynsha aiyptalyp otyr.
Qalalyq sot málimetinshe, is sotqa 20 aqpanda túsken. Aldyn ala tyńdalymdar 27 aqpanda bastalady.
Eske sala keteiik, 2016 jyldyń 2 qarashasynda qazaqstandyq akter Tuńǵyshbai Jamanqulov ustalǵan bolatyn. Tergeýdiń málimetinshe, "Qazaqfilm" AQ-nyń "T.K.TURAN UNIVERSAL BUSINESS" JShS-ǵa filmniń óndirisine 79 million teńge bólgeni anyqtalǵan. "Onyń 69 million teńgesin kartina prodiýseri Tuńǵyshbai Jamanqulov jymqyrǵan. Ol – "T.K.TURAN UNIVERSAL BUSINESS" JShS-nyń quryltaishysy", - delingen edi habarlamada.
