Ál-Farabi atyndaǵy Qazaq ulttyq ýniversitetinde taǵy bir tarihi sát. Filologiia fakýltetiniń biylǵy túlekterine arnalǵan saltanatty shara – diplom tapsyrý rásimi joǵary deńgeide ótti. Biyl fakýltetti 552 túlek tamamdady. 439 túlek bakalavr diplomyn ielense, 113 jas ǵalym filologiia ǵylymynyń magistri atandy, – dep habarlaidy QazUÝ-dyń Baspasóz qyzmeti.
Merekelik shara Qazaqstan Respýblikasynyń Memlekettik Ánuranymen ashyldy.
Kesh qonaqtary men túlekter nazaryna ýniversitettiń damýy men jetistikteri týraly beinerolik usynyldy. Onda búginde halyqaralyq deńgeide moiyndalǵan QazUÝ-dyń bilim men ǵylymdaǵy orny jaily mol maǵlumat berildi.
Bitirýshi túlekterge oqý ordasynyń Basqarma Tóraǵasy – Rektor Janseiit Túimebaev júrekjardy quttyqtaýyn arnady. «Ýniversitetimiz óziniń 90 jyldyq tarihynda 200 myńnan astam bilikti mamandy daiarlady. Olardyń ishinde kórnekti ǵalymdar, memleket jáne qoǵam qairatkerleri, halyqaralyq sarapshylar bar. Sizderdiń de osy dástúrdi jalǵastyratyndaryńyzǵa senimimiz mol», – delindi quttyqtaýda.
Sonymen qatar bolashaq til mamandaryna filologiia fakýltetiniń dekany, QR UǴA akademigi Baian Joldasbekova jyly lebizin bildirip, elimizdiń damýyna qosar úlesteriniń mańyzdylyǵyn atap ótti.
Saltanatty jiynnyń kórkin «Ulaǵat» ájeler tobynyń oryndaýyndaǵy «QazUÝ-ym – ulaǵat uiasy» áni asha tústi. Sodan soń sahna tórine shyqqan filologiia fakýltetiniń belsendi stýdentteri men ár mamandyq top basshylary «QazUÝ – meniń júregimde» atty áserli quttyqtaý sózderimen jinalǵan kópshilikti tolqytty.
Sondai-aq shara barysynda túlekterge kafedra meńgerýshileri diplom tabystap, aq jol tiledi.
Bul sát ár stýdenttiń júreginde máńgi saqtalary sózsiz. Ata-analar bilimmen qatar, tálimdi tárbie bergen ýniversitet oqytýshylaryna rizashylyǵyn jetkizip, túlekterdiń úlken ómirge joldama alǵanyn zor maqtanyshpen tamashalady.
Kesh sońynda túlekter «Jasai ber, QazUÝ-ym!» ánin oryndap, bilim ordasyna degen alǵystary men súiispenshilikterin ásem áýenmen jetkizdi.
