Zańsyz kontent taratqan 20-dan asa strimer jaýapkershilikke tartyldy, dep habarlaidy dalanews.kz.
Kóp qaralym, laik jáne donat jinaýdy kózdegen olar tikelei efir barysynda balaǵat sózder aityp, ádepsiz áreketter kórsetken, qaýipti prankter uiymdastyryp, ózge azamattardy qorlaǵan.
"Mundai kontenttiń kún saiyn keń aýditoriiaǵa, onyń ishinde kámeletke tolmaǵan balalarǵa qoljetimdi bolýy erekshe alańdaýshylyq týǵyzady. Shymkent qalasynyń 48 jastaǵy turǵyny Erbol Dúisenbaev TikTok jelisinde tikelei efir barysynda beiádep sózder qoldanǵan. Sot sheshimimen ol 10 táýlikke ákimshilik qamaýǵa alyndy. Taldyqorǵan qalasynyń 44 jastaǵy turǵyny Gúlmira Qasenova TikTok-taǵy tikelei efir kezinde qoǵamdyq tártipti buzyp, balaǵat sózder aitqan. Buǵan deiin de osyndai quqyqbuzýshylyq úshin jaýapkershilikke tartylǵan ol bul joly ákimshilik aiyppul aldy", - dedi politsiia.
Pavlodar qalasynda 26 jastaǵy Aslan Amantaev kólik tizgininde otyryp tikelei efir júrgizgen, balaǵat sózder aityp, qaýipsizdik beldigin taqpaǵan. Sottyń sheshimimen ol 20 táýlikke ákimshilik qamaýǵa alyndy.
Túrkistan qalasynda "bayan_kyz", "fatima.sh0000" jáne "fatima_s003" nikneimderimen tanymal Baian Shankeeva jaýapkershilikke tartyldy. Ol tikelei efirde beiádep sózder aityp, agressivti minez-qulyq kórsetken. Sot oǵan ákimshilik aiyppul taǵaiyndady.
