Astanada TikTok arqyly Ulybritaniiaǵa jumysqa ornalastyrýǵa ýáde bergen er adam alaiaqtyq jasaǵany úshin sottaldy, dep habarlaidy dalanews.kz.
Tergeý málimetinshe, kúdikti TikTok áleýmettik jelisinde Angliiaǵa jumysqa ornalasýǵa kómektesetini týraly jarnamalar jariialaǵan. Ol azamattarǵa keńes berip, túrli saýalnamalar jiberip, qujattardy rásimdeý úshin aqsha aýdarý qajet ekenine sendirgen. Alaida aqshany alǵannan keiin ýáde etken qyzmetin kórsetpei, bailanysyn úzgen.
Onyń áreketinen 10 adam zardap shekken. Keltirilgen jalpy shyǵyn 1 million teńgeden asqan. Sot er adamdy alaiaqtyq jasaǵany úshin kináli dep tanyp, oǵan 3 jyl 6 ai merzimge bas bostandyǵyn shekteý jazasyn taǵaiyndady. Sondai-aq oǵan probatsiialyq baqylaý belgilendi.
Budan bólek, sottalǵan azamatqa probatsiia qyzmetin eskertpei turǵylyqty jeri men jumys ornyn aýystyrýǵa, oiyn-saýyq oryndaryna barýǵa tyiym salyndy. Eger onyń turaqty jumysy bolmasa, jyl saiyn 100 saǵat májbúrli eńbek óteýge mindetteldi.
