Balalardyń psihikasyna áser etedi dep oilamaisyńdar ma? Eger ol aqshaǵa bopsalasa, aqshany alyp jatqan jerinen-aq ustaýǵa bolar edi ǵoi?! Oqiǵa ornynda, qylmys jasaý ústinde quryqtalsa - onda esh daý joq Myna qoǵam da, jurtshylyq ta daýryqpas edi…! Narazylyǵyn bildirmes edi!" - deidi ol.
Kúdiktiniń ózin resmi túrde Politsiia departamenti nemese bólimine shaqyryp úirený kerek! Jemqorlyq jaityn jáne qylmys ústinde tikelei bultartpas aiǵaqpen ustalmasa, jái kúdikke ilikken adamdy bas salyp qamap, azaptap, ony qorlaý arqyly qylmysty moinyna ilýdi doǵaratyn ýaqyt jetti!
Ol terrakt jasap, qyz zorlap, adam óltirgen joq! Esirtki satyp, adam saýdalǵan joq! Aiǵaqtyq dálelder tolyq jinalmai jatyp, ústinen aryz tústi dep, dereý alyp ketip, qamaýǵa alý - bizdiń Konstitýtsiiamyzǵa syn emes pe?", - dep jazdy zańger.
Al óńirlik politsiia málimetinshe, azamattar belsendiniń ústinen shaǵym túsirgen.
"28 aqpan jáne 6 naýryz kúnderi Qyzylorda oblysynyń politsiia departamentine oblystyń eki turǵyny júgindi. Olar osy azamatshany qylmystyq jaýapkershilikke tartý jóninde aryzdanǵan. Turlybekova bopsalaý arqyly jáne ar-namys pen qadir-qasietke nuqsan keltiretin málimetterdi taratamyn dep qorqytyp, jábirlenýshilerden iri kólemde aqsha talap etken. Bul derek boiynsha qylmystyq is qozǵaldy. Turlybekova aýyr qylmys jasady degen kúdikke ilinip otyr. Budan bólek taǵy birneshe bopsalaý faktileri anyqtaldy.
Protseske qatysýshylardyń jaýabyn burmalaýǵa yqpal etip, tergeýdiń jan-jaqty júrgizilýine kedergi keltirýi múmkin. Osyǵan bailanysty tergeý soty ony kúzetpen ustaý sharasyn sanktsiialady. Ustaý zań sheńberinde júrgizildi. Arnaiy quraldar men jaýyngerlik ádister qoldanylǵan joq. Kúdikti ýaqytsha ustaý izoliatoryna qamaldy. Tergeý múddesi úshin ózge aqparat jariia etilmeidi", - dep jazǵan Jańaqorǵan aýdandyq politsiia bólimi ókilderi egemen.kz-ke.
Aita keteiik, birneshe kún buryn áleýmettik jelilerde belsendi ustalǵan sát kórinetin sýret tarap ketti. Jeli qoldanýshysynyń bul jazbasyna qalalyq Politsiia departamenti ókilderi pikir bildirdi.
"Bul derek boiynsha Qyzylorda oblysynyń Politsiia departamenti qylmystyq is qozǵap, tergep-tekserý áreketterin júrgizip jatyr. Ózge de aqparattar tergeý qupiialyǵyna bailanysty jariia etilmeidi", - dep jazylǵan jaýapta.
"Sandýǵash - bes balasy bar jalǵyz ilikti ana. Endi óz narazylyǵyn áleýmettik jelige shyǵarǵany úshin de qylmystyq jaýapkershilikke tarta beredi me? Alaiaqtardy nege osylai ustamaidy eken?" - dep jazdy ol.
Al Gúlshara Ábdiqalyqova men ustalǵan áielge qatysty oqiǵa osydan shamamen 4 jyl buryn boldy. Sol kezde Qyzylorda oblysynyń ákimi bolǵan Gúlshara Ábdihalyqova Jańaqorǵan aýdanyna jumys saparymen barǵan edi. Politseiler ákim keledi dep joldy jaýyp, basqa kólikterdi júrgizbei qoiǵan.
Bul jaǵdaiǵa ashýlanǵan qyzylordalyq turǵyn aýdan aralap júrgen óńir basshysyna baryp "Joldy jabatyn hannyń qyzysyz ba?" dep shúilikti.
Bul oqiǵa áleýmettik jelilerde qyzý talqylanǵan bolatyn.
