Terminals Holding óziniń enshiles kásiporny Terminals Astana Airport Limited kompaniiasymen Astana qalasynda ornalasqan Nursultan Nazarbaev halyqaralyq áýejaiyn senimgerlik basqarý týraly 25 jyldyq investitsiialyq kelisim-shart jasasqanyn málimdedi, dep habarlaidy Dalanews.kz
Bul mańyzdy oqiǵa Qazaqstannyń negizgi kólik toraby damýyna jańa dem berip, onyń mańyzdy áleýetine degen senimimizdi rastaidy.
Nelikten Terminals Holding Astana áýejaiyna investitsiia salýdy sheshti?
Bul aýqymdy investitsiiany salý týraly sheshimimiz áýejaidy jedel basqarýdy qolǵa alǵannan keiin 2023 jyldyń qarashasynda bastalǵan bir jylǵa sozylǵan jiti tekserýden keiin qabyldandy. Keshendi taldaý nysannyń qazirgi ýaqyttaǵy jai-kúiin egjei-tegjeili saraptaýdy, onyń ishinde anyqtalǵan qarjylyq qiyndyqtardy (áýejaidyń 2023 jylǵy shyǵyny 14 mlrd teńgeden astamdy qurady), strategiialyq perspektivalar men jańǵyrtý múmkindikterin baǵalaýdy qamtydy.
Bizdiń basqarýdyń birinshi jylynyń ózinde, iaǵni 2024 jyly áýejai 790 million teńge kiriske qol jetkizip, keremet nátije kórsetti. Bul eleýli progreske birqatar operatsiialyq jetildirýler arqasynda qol jetkizildi: biz kommertsiialyq keńistikti paidalanýdy ońtailandyryp, zamanaýi basqarý júielerin, sonyń ishinde jolaýshylardy biometriialyq sáikestendirý men avtomattandyrylǵan baqylaý-ótkizý pýnktterin engizdik, sondai-aq tranzittik jolaýshylar úshin áýejaidyń tartymdylyǵyn arttyratyn ózara is-qimyldyń neǵurlym ashyq jáne tiimdi júiesin qurý úshin jalǵa berýshiler arasyndaǵy qarym-qatynastardy qaita anyqtadyq.
Jolaýshylar aǵyny 2023 jyly jylyna 7,5 million jolaýshydan 2024 jyly 8,3 million jolaýshyǵa deiin ósti.
2024 jyly júrgizilgen taldaý nátijeleri men jobanyń bolashaǵyn aiqyndaǵan alǵashqy tabystarǵa súiene otyryp, biz Astana áýejaiyn damytýǵa baǵyttalǵan keshendi baǵdarlamany júzege asyrý týraly sheshim qabyldadyq. Baǵdarlama aiasynda tikelei investitsiia kólemi 153 milliard teńgeni quraidy. Sonymen qatar, aldaǵy 25 jyl ishinde úshinshi taraptardan 393 milliard teńgege deiin janama investitsiialar tartý kózdelip otyr. Bul qarajat infraqurylymdy aýqymdy túrde keńeitýge baǵyttalady.
Qarajat qaida investitsiialanady?
Qarajat halyqaralyq qaýipsizdik jáne tiimdilik standarttaryna sáikes keletin uzyndyǵy 3,5 km quraityn jańa (qosymsha) ushý-qoný jolaǵynyń qurylysyna jumsalmaq. Jańa ushý-qoný jolaǵy áýejaidyń ótkizý qabiletin aitarlyqtai arttyryp, ushyp-qoný operatsiialaryn qatar júrgizý múmkindigin qamtamasyz etedi.
Áýejaidyń ótkizý qabiletin 2033 jylǵa qarai jylyna 15 million jolaýshyǵa deiin jáne 2053 jylǵa qarai 30 million jolaýshyǵa deiin arttyrýǵa múmkindik beretin qoldanystaǵy T2 jolaýshylar terminalyn keńeitý jáne jańa halyqaralyq T3 terminalynyń qurylysyn bastaý
2053 jylǵa qarai júk ainalymyn qazirgi maksimým 12 000 tonnadan 130 000 tonnaǵa deiin ulǵaitý maqsatynda júk terminalyn jańǵyrtý, onyń ishinde qoima keńistigin keńeitý jáne zamanaýi logistikalyq tehnologiialardy engizý.
Ósip kele jatqan reisterge úzdiksiz qyzmet kórsetý maqsatynda janar-jaǵarmai quiý kesheniniń aýmaǵyn 5,2-den 11,6 gektarǵa deiin ulǵaitý
Investitsiialyq baǵdarlamamyzda qonaq úi keshenderin, iskerlik jáne saýda ortalyqtaryn, sondai-aq zamanaýi kórmeler men konferents-zaldardy qamtityn Aero City innovatsiialyq kópfýnktsionaldy klasterin qurýǵa erekshe kóńil bólinedi. Aero City jobasy áýejaidyń tartymdylyǵyn arttyryp qana qoimai, jańa jumys oryndaryn ashyp, búkil aimaqtyń ekonomikalyq damýynyń katalizatoryna ainalady. Sonymen qatar, bul joba úshinshi taraptardan qosymsha investitsiialar tartýǵa jáne jergilikti ekonomikanyń ósýine yqpal etedi.
Barlyq investitsiialar Qazaqstannyń memlekettik biýdjetiniń qarajatyn paidalanbai júzege asyrylatynyn erekshe atap ótken jón.
Bizdiń seriktestik barlyq taraptardyń múddelerin tolyǵymen eskeretinin erekshe maqtan tutamyz. Negizgi infraqurylymǵa menshik quqyǵy «Nursultan Nazarbaev halyqaralyq áýejaiy» AQ-da qalady, al memleket biýdjetke turaqty kiristerdi alýdy jalǵastyrady.
Áýejaidyń barlyq qyzmetkerleri kepildendirilgen turaqty jumysqa ornalasý arqyly óz jumystaryn jalǵastyrady, sonymen qatar bizdiń baǵdarlamamyzda qyzmetkerlerdi oqytý jáne biliktiligin arttyrý boiynsha arnaiy bastamalar bar.
Terminals Holding-tyń alǵa qoiǵan úlken maqsattary bar
Bul aýqymdy jobany júzege asyrý Astana áýejaiyn joǵary álemdik standarttarǵa sáikes keletin zamanaýi halyqaralyq aviatsiialyq habqa ainaldyrady. Bul seriktestik Qazaqstannyń kólik infraqurylymyn damytýǵa jáne eki el arasyndaǵy ekonomikalyq bailanysty nyǵaitýǵa mańyzdy úles qosatynyna senimdimiz.
Biz, Terminals Holding kompaniialar toby, álemniń ártúrli aimaqtarynda áýejaidy basqarý jáne aviatsiialyq qyzmetterdi kórsetý salasynda tiisti tájiribemiz bar jáne biz bul jobany strategiialyq mańyzdy ári uzaq merzimdi dep sanaimyz. Biz «Nursultan Nazarbaev halyqaralyq áýejaiy» AQ-men seriktestigimiz tabysty halyqaralyq yntymaqtastyq úlgisine ainalyp, jolaýshylardyń jailylyǵy úshin aitarlyqtai ózgerister ákeletinine senimdimiz.
