Antıkor profılaktıkalyq maqsatta memlekettik qyzmetshilerdi tergeý ızolátory men sotqa ekskýrsıaǵa aparady, dep habarlaıdy Dalanews.kz.
Sybaılas jemqorlyqqa qarsy uıymynyń resmı ókili Arman Tileýkenovtiń aıtýynsha, bul jemqorlyqtan aldyn alýdyń jańa ádisi bolmaq.
"Sybaılas jemqorlyqqa qarsy agenttigi jemqorlyqtan aldyn alý maqsatynda turaqty túrde memlekettik qyzmetshilerge tergeý ızolátorlaryna ekskýrsıalar ótkizip turady. Qatysýshylarǵa tergeý bólmeleri, qylmyskerlerge arnalǵan kameralar, sottalǵandar serýendeıtin oryndar kórsetiledi", — dedi Arman Tileýkenov.
Agenttiktiń resmı ókili Arman Tileýkenovtyń aıtýynsha, mundaı is-shara túrmeniń aýyrtpalyǵyn sezinýge, olardyń saldarymen tanysýǵa múmkindik beredi.
"Sonymen qatar profılaktıkalyq jumys aıasynda eńbek ujymdaryn sot otyrystaryna qatysýǵa shaqyramyz. Biz bul ádistermen memlekettik sheneýnikterdi qorqytýdy maqsat etpeıtinimizdi atap ótemiz", - dep sendirdi Antıkordyń resmı ókili.
Arman Tilekýkenov para berý sıaqty qylmys úshin Qazaqstan Respýblıkasynyń Qylmystyq kodeksinde iri mólsherdegi aıyppuldardan bólek, múlki tárkilenip, 15 jylǵa deıingi merzimge bas bostandyǵynan aıyrý jazasy kesiletinen eske saldy. Sondaı-aq ómir boıyna belgili bir jumysty atqarý quqyǵynan, qala berdi áskerı ataqtary men memlekettik marapatynan aıyrý qarastyrylǵanyn atap ótti.
