Almaty qalasynyń tergeý soty Serik Qonaqbaevqa qarsy reiderlik isin qaita tergeýden bas tartty, dep habarlaidy Dalanews.kz Orda.kz-ke silteme jasap.
2022 jyldan beri kásipker Ikram Abdýkarimov óziniń ógei ákesi – burynǵy depýtat, respýblikaǵa tanymal boksshy ári minsiz bedelge ie Serik Qonaqbaevtyń onyń múlkin tartyp alǵanyn dáleldeýge tyrysyp keledi.
2021 jyldyń sońynda, Abdýkarimov otbasylyq munai biznesin basqaryp júrgende, Qonaqbaev Ikram jasady delingen urlyq boiynsha qylmystyq is qozǵaýǵa muryndyq bolǵan. Keiinirek is jabylǵanymen, Abdýkarimovtyń bedeline qatty nuqsan keldi, al oǵan tiesili biznesti ógei ákesi iemdenip alǵan.
«Sonymen qatar Qonaqbaev maǵan qylmystyq qýdalaý arqyly bostandyqtan aiyrýmen qorqytty. Ol meni “ZST-Qazaqstan” JShS-degi 33 paiyzdyq úlesimdi óz atyna jazýǵa májbúrledi», — deidi Ikram.
2023 jyldyń jeltoqsanynda ol Qonaqbaevqa qarsy reiderlik faktisi boiynsha qylmystyq is qozǵaýǵa tyrysqan.
«Alaida men júgingen Qarjy monitoringi agenttigi bul isti 2024 jyldyń aqpan aiynda oidan shyǵarylǵan sebeptermen toqtatty. Al Almaty prokýrory istiń zańsyz toqtatylýyn maquldady», — dep tolyqtyrdy kásipker.
