Qostanaıda «Qazaqstan temir joly» ulttyq kompanıasyna tıesili múlikti jymqyrǵan qyzmetkerge sot úkimi shyqty, dep habarlaıdy Dala News.

Kólik prokýratýrasynyń málimetinshe, Qushmuryn jol dıstansıasynyń materıaldyq jaýapty laýazymdy tulǵasy qyzmettik ókilettigin asyra paıdalanyp, temirjoldy jóndeýge arnalǵan R-65 markaly 40 dana nakladkany zańsyz satyp jibergen. Bul bólshekter poıyz qozǵalysynyń qaýipsizdigine tikeleı áser etedi.

İs prokýratýranyń bastamasymen kórsetilimdik formatta qaraldy. Sot otyrysyna jol dıstansıasynyń qyzmetkerleri arnaıy shaqyrylyp, strategıalyq nysan qaýipsizdigine qol suqqandardyń jaýapsyz qalmaıtyny kórsetildi.

Sot aıyptalýshyny Qylmystyq kodekstiń 189-baby 2-bóligi 3-tarmaǵy boıynsha kináli dep tanyp, eki jylǵa bas bostandyǵyn shekteý jazasyn taǵaıyndady. Sondaı-aq oǵan eki jyl boıy materıaldyq jaýapty qyzmetterdi atqarýǵa tyıym salyndy.

Úkim zańdy kúshine endi.