Túrkistan oblysy prokýratýrasynyń arnaiy prokýrorlary uiymdasqan qylmystyq toptyń áreketine qatysty sotqa deiingi tergep-tekserýdi aiaqtady, dep habarlaidy Dalanews.kz.
Tergeý Qazaqstan Respýblikasy Qylmystyq kodeksiniń 190-baby 4-bóligi 1) tarmaǵy (alaiaqtyq) jáne 262-babynyń 1, 2-bólikteri (uiymdasqan topty qurý jáne oǵan qatysý) boiynsha júrgizildi.
Tergep-tekserý barysynda 2024–2025 jyldar aralyǵynda shetel azamaty Qazaqstan aýmaǵynda áreket etip, internet pen telefon bailanysy arqyly alaiaqtyq jasaǵan uiymdasqan qylmystyq topty qurǵany jáne basqarǵany anyqtaldy. Qylmystyq toptyń áreketteri saldarynan 21 jábirlenýshige 125 million teńgeden astam materialdyq zalal keltirilgen.
Alaiaqtar mobildi bailanys quraldaryn paidalanyp, telefon qońyraýlary arqyly ózderin poshta uiymdary men bailanys operatorlarynyń qyzmetkerleri retinde tanystyrǵan. Olar azamattardy aldap, olardyń atyna nesie rásimdep, alynǵan aqshalai qarajatty iemdengen.
Sotqa deiingi tergep-tekserý barysynda jábirlenýshilerge 20 million teńge qaitaryldy. Sondai-aq kúdiktilerge tiesili úsh avtokólik quralyna tyiym salyndy. Qalǵan zalal somasy sot tártibimen májbúrlep óndiriletin bolady.
Atalǵan is boiynsha 20 kúdiktige qatysty qamaýda ustaý túrindegi bultartpaý sharasy sanktsiialandy. Taǵy eki kúdiktige halyqaralyq izdeý jariialandy.
Qylmystyq is materialdary sotqa joldandy.
