Ótken aptada Almaty oblysy qurylys basqarmasy basshysynyń orynbasary Erkebulan Ýsmanbaev «Dostyq» shaǵynaýdanyndaǵy Ál-Farabi jáne Seifýllin kóshesinde irgetasy qalanyp jatqan úilerdiń qurylys qarqynymen tanysyp, jumystyń sapaly bolýyn jáne tiisti merzimde aiaqtalýyn basty nazarda ustaýdy tapsyrdy. Tapsyrys berýshi qalalyq qurylys bólimi men merdigerlik mindetti moinyna alǵan «Shymyr» jaýapkershiligi shekteýli seriktestigi eki birdei bes qabatty qyryq páterli turǵyn úidi aldaǵy qarashada paidalanýǵa berý úshin qystyń on kúnine tatityn jazdyń ár kúnin tiimdi ótkizip, barynsha qimyl shiratqandary jón. Qazirgi tańda eki qurylys alańynda 30 shaqty adam jumys istep jatyr. Jumys kólemi aldyn ala bekitilgen josparǵa sáikes oryndalýda.
Tekeli qalasynyń ákimi Batyr Moldahmetov: «Seksen páterdiń teń jartysy kóp balaly analarǵa, qalǵany jetim balalarǵa jáne erekshe muqtajdyqtary bar balalardy tárbielep otyrǵan otbasylarǵa beriledi. Qurylys jumystarynyń toqtaýsyz júrýin jáne paidalanylatyn barlyq materialdyń sapaly bolýyn qatań qadaǵalap otyramyz», – dedi.
Sońǵy jyldarda qalamyzda baspanaly bolyp qýanǵan turǵyndardyń qatary aldaǵy ýaqytta taǵy tolyǵatyny áleýmettik áleýetimizdi aishyqtap, kóńilge qýanysh uialatady.
Uljan ULDAHANQYZY,
Tekeli qalasy ákiminiń baspasóz hatshysy
