Oblys ákimi biregei ádispen temir óńdeitin «Elektromarganets» zaýytynyń jumysymen tanysty. 4.35 mlrd teńge investitsiia tartylatyn kásiporynnyń jyldyq qýattylyǵy zor. Qazir zaýytta 75 adamdy eńbek etýde.
Al, Tekeli taý-ken kombinaty jumysshylar sanyn 2000 adamǵa arttyrýdy kózdep otyr. Ol úshin taǵy bir domna peshin salý kerek. Qazir ýaqytsha toqtap turǵan zaýytty qaita iske qosýǵa daiyndyq jumystary júrip jatyr.
Ishki jaǵdaiymen jiti tanysqan oblys basshysy óndiris oryndaryna jergilikti bilik tarapynan qajetti kómek kórsetiletinin jetkizdi. Sonymen qatar, zaýyttarǵa maman daiyndaý máselesine kóńil aýdarýdy tapsyrdy.
Sonymen qatar, Beibit Óksikbaiuly D.Qonaev eskerkishiniń jobasymen tanysyp, kúrdeli jóndeýdi talap etetin qalalyq Mádeniet úii men aýrýhananyń sharýashylyq nysanyn aralap kórdi.
Jalpy, Tekeliniń týristik áleýeti de zor. Shaharda «Etnoaýyl» kesheniniń qurylysy júrip jatyr. Týrister men demalýshylar úshin bar jaǵdai jasalady. Bastysy, onda salt-dástúr men ulttyq qundylyqtardy nasihattaý kózdelgen.
Jobaǵa 500 mln teńge investitsiia tartylyp otyr. 20 jańa jumys ornyn qurý kózdelgen.
Oblys basshysy jaqynda qala kúnine orai ashylǵan «VUSLAT» qonaqjai keshenin de aralady. Onda 12 adamǵa jumys orny ashylǵan. Kúnine 200 adamǵa deiin qyzmet kórsete alady.
