Atalmysh joba aiasynda barlyq aimaqtarda eko-qozǵalystar qurylyp, jastar arasynda ekologiialyq mádeniet qundylyqtary nasihattalady.
Osyǵan orai, búgin Almaty oblysynyń jastar saiasaty máseleleri basqarmasy, Almaty oblysynyń jastar resýrstyq ortalyǵynyń uiymdastyrýymen jáne jergilikti atqarýshy organdardyń muryndyq bolýymen Tekeli qalasynda «Kieli Tabiǵat» jobasy aiasynda ekologiialyq plogging ótkizildi.
Ekologiialyq mádenietti nasihattaýǵa baǵyttalǵan aktsiiaǵa Tekeli qalasynyń jastary men eriktileri qatysyp, "Dostyq" shaǵynaýdanyndaǵy Qaratal kóshesi boiynda tazalyq jumystary júrgizildi. Erikti jastarmen 700 kg-nan astam qoqys jinaldy.
Shara sońynda Tekeli qalasy ákiminiń áleýmettik sala boiynsha orynbasary Ainur Meirhanova men Oblystyq Jastar saiasaty máseleleri basqarmasy basshysy Eldar Saparov sharaǵa qatysqan jastarǵa rizashylyqtaryn bildirip, belsendilik tanytqan eriktiler Alǵys hattarmen marapattaldy.
Uljan ULDAHANQYZY,
Tekeli qalasy ákiminiń
baspasóz hatshysy
