2025 jyldyń 18 mamyrynda Tegeran qalasynda «Ǵylym ordasy» RMK delegatsiiasynyń Iran Islam Respýblikasynyń Ulttyq kitaphanasy jáne arhivi basshylyǵymen resmi kezdesýi ótti, dep habarlaidy Dalanews.kz
Kezdesýdiń negizgi maqsaty – ǵylym, arhiv jáne kitaphana isi salalaryndaǵy ekijaqty yntymaqtastyqty damytý, sondai-aq qujattyq murany saqtaý, qalpyna keltirý jáne konservatsiialaý baǵyttary boiynsha kásibi tájiribe almasý arqyly eki el arasyndaǵy áriptestikti nyǵaitý.
Sapar barysynda qazaqstandyq delegatsiia Iran arhivi men kitaphanasynyń infraqurylymymen, atap aitqanda qujattardy saqtaý júiesimen, qalpyna keltirý jáne konservatsiialaý bólimderiniń jumysymen, sondai-aq tsifrlandyrýdyń zamanaýi ádisterimen jan-jaqty tanysty.
Kezdesý nátijesinde «Ǵylym ordasy» RMK bas direktory Ular Muqajanov pen Iran Islam Respýblikasynyń Ulttyq kitaphanasy jáne arhivi basshysy Goliamreza Amirhani (Gholamreza Amirkhani) ǵylym, arhiv jáne kitaphana isi salalaryndaǵy yntymaqtastyqty damytýǵa baǵyttalǵan memorandýmǵa qol qoidy.
Ular Muqajanov bul kelisimdi eki el arasyndaǵy ǵylymi jáne mádeni bailanystardy damytý jolyndaǵy mańyzdy kezeń ekenin atap ótti.
«Iranmen arhiv jáne kitaphana isi salasyndaǵy áriptestik – bul tek kásibi tájiribe almasý ǵana emes, sonymen qatar qujattyq murany saqtaý, qalpyna keltirý jáne tsifrlandyrý baǵyttaryndaǵy ozyq tájiribemen bólisýdiń tiimdi alańy. Mundai yntymaqtastyq ekijaqty mádeni-ǵylymi qarym-qatynasty jańa ári joǵary sapalyq deńgeige kóteredi», — dedi «Ǵylym ordasy» RMK bas direktory.
Memorandým Qazaqstan men Iran arasyndaǵy arhiv jáne kitaphana isindegi yntymaqtastyqty jańa deńgeige kóterip, halyqaralyq seriktestikti keńeitýdiń mańyzdy negizi boldy. Ol eki eldiń birlesken ǵylymi jobalary men tsifrlandyrý salasyndaǵy zertteýlerin júzege asyrýǵa múmkindik beredi. Bul kelisim «Ǵylym ordasynyń» halyqaralyq damýyna serpin berip, Qazaqstannyń ǵylymi jáne mádeni murasyn álemge keńinen tanytýǵa jol ashady.
