Taýǵa shyǵyp, túse almai qalǵan eki jasóspirim qutqaryldy
Túrkistan oblysy Tólebi aýdanynyń Ekpindi aýylynan 5 shaqyrym jerdegi «Birkólik» taý shatqalyna barǵan 2 jasóspirim taý basyna demalýǵa barǵan. Alaida, taýdyń biik bolýyna bailanysty jasóspirimder tómen túse almai, «112» nómirine habarlasqan, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Qutqarýshylar dereý oqiǵa ornyna baryp, eki týristi qaýipsiz jerge túsirdi. Qutqarý jumystaryna Túrkistan oblysy TJ departamentinen 8 qutqarýshy men 2 birlik tehnika jumyldyryldy.
Aita keteiik, eger taýǵa serýenge shyqsańyz, beitanys jermen júrmei, óz kúshińizdi baǵalaý kerektigin tótenshe jaǵdailar departamenti eskertedi. Taýly aimaq qaýipti ekenin esten shyǵarmaýdy ótinemiz.
