Táýelsizdik jyldarynda Atyraýda 100 myńnan astam otbasy baspanaly boldy. Bul týraly Tuńǵysh Prezıdent kúnine oraı ótken sharada Atyraý oblysynyń ákimi Mahambet Dosmuhambetov aıtty, – dep habarlaıdy Dalanews.kz Atyraý oblysynyń óńirlik komýnıkasıalar qyzmetine silteme jasap.

– Táýelsizdik jyldary óńirde 100 myńnan astam otbasy baspanaly boldy. 12 mıllıon sharshy metr turǵyn úı paıdalanýǵa berildi.

30 jylda turǵyn úı qurylysyna 640 mlrd teńgeden astam ınvestısıa quıyldy.

Táýelsizdik jyldary oblysymyzda sáýlet jáne qala qurylysy salasy qarqyndy damyp, eldi mekenderdiń kelbeti de ózgerdi, – dep naqtylady Atyraý oblysynyń ákimi Mahambet Dosmuhambetov.