Táýelsizdik jyldary Túpqaraǵan aýdanynda halyq sany 2,5 ese ósken, – dep habarlaıdy Dalanews.kz Túpqaraǵan aýdany ákimdiginiń baspasóz qyzmetine silteme jasap.  

Mańǵystaý oblysynyń batysynda ornalasqan Túpqaraǵan aýdany osydan 29 jyl buryn qurylǵan. QR Joǵary Keńesi Prezıdýmynyń 1992 jyldyń 06 shildesindegi №1560-HP qaýlysymen aýdan tarıhynyń alǵashqy betteri ashyldy.

Aýdanda alǵashynda 5 eldi meken, 45 oryndyq «Aıgúl» balabaqshasy men 140 oryndyq «Qulynshaq» balabaqshasy bolǵan. Sodan beri aýdannyń aýmaǵy keńeıip, halyq sany ósti. Qazir Túpqaraǵanda 22 balabaqsha men 5 mektep boı kóterdi.

1991 jyly halyq sany 14 myńdy qurady. Al sońǵy statısıkalyq esepke sáıkes, aýdan turǵyndarynyń sany 2,5 ese ósip, 34 197-ge jetken. Sondaı-aq, munda 28 800 jumys orny quryldy. Kásipkerler sany 0,2-den 2 myńǵa artqan.