Qazan qalasyndaǵy (Tatarstannyń astanasy) Qazaqstannyń Bas konsýldyǵy Qazaq Ulttyq Óner Ýnıversıtetiniń rektory Aıman Musaqojaevaǵa jas ánshi Dımash Qudaıbergen úshin alǵysyn bildirip, hat joldady, dep habarlaıdy «Tilshi».

«Ózińizdiń shákirtińiz – elimizdiń jas ári talantty uly Dımash Qudaıbergen 2016 jylǵy 21 qarashada Tatarstan Respýblıkasynyń Qazan jáne 22 qarashada Bashqurtstannyń Ýfa qalalarynda Qazaqstan Respýblıkasy Táýelsizdiginiń 25 jyldyǵyna arnalǵan eki respýblıkanyń halqy úshin ónerin pash etti», delingen hatta.

Bas konsýl A.Nusqabaıdyń habarlaýynsha, qazanda ótken konsertke Tatarstan Respýblıkasynyń Memlekettik Keńesiniń basshysy men Mádenıet Mınıstri, al Ýfadaǵy konsertke Bashqurtstan Respýblıkasy Premer-Mınıstriniń orynbasary men Mádenıet mınıstrleri qatysyp,  bolǵan is-sharalardan tamasha áser alǵan. Dımash Qudaıbergenniń ónerin tamsanyp tamashalaǵan Tatarstan men Bashqurtstan Mádenıet mınıstrleri oǵan alǵys jarıalaý týraly usynys bildirgen eken.

Osyǵan baılanysty, A.Nusqabaı eki eldiń Mádenıet mınıstrleri Dımash Qudaıbergenge alǵystaryn bildirip, álemdik sahnalardy baǵyndyra berýine tilektes ekendikterin jetkizgen.

Marat Tólepbergen