6 naýryz kúni saǵat 16.00-de Mádeniet jáne aqparat ministrliginiń qoldaýymen Qazaqstan Respýblikasy Ulttyq mýzeiinde memleket jáne qoǵam qairatkeri Imanǵali Tasmaǵambetovtyń jeke kollektsiiasynan "Zergerlik óner" atty kórmeniń saltanatty ashylýy ótedi, dep habarlaidy Dalanews.kz.
Kórmeniń maqsaty – zergerlik ónerdi keńinen nasihattaý jáne kelýshilerdi Imanǵali Tasmaǵambetovtyń jeke kollektsiiasyndaǵy zergerlik buiymdarmen tanystyrý.
"Kórmege qoiylǵan zergerlik buiymdar ár dáýirdegi sheberlerdiń sabaqtastyǵyn kórsetip, Qazaqstan, Ortalyq Aziia jáne kavkaz halyqtarynyń mádenietiniń ózara bailanysyn aiǵaqtaidy. Kórmege keýde jáne ǵibadathana áshekeileri, syrǵalar, bilezikter, saqinalar, gigienalyq jinaqtar, ilmekter, hosh iisti mailarǵa arnalǵan amforalar, kúmisten jasalǵan kosmetikalyq sómkeler, tastar men dándermen bezendirilgen qoraptar men taraqtar, beldikter, túimeler siiaqty buiymdar qoiylady", - delingen habarlamada.
Mundai zergerlik buiymdardy alǵashynda Tasmaǵambetovtiń ájesi jinap, nemeresin jastaiynan zergerlik ónerge baýlyǵany atalyp ótken. Osylaisha, sheneýnik zergerlik buiymdarǵa qyzyǵyp, kollektsiia retinde jinaý onyń súiikti istine ainalǵan.
"Zergerlik óner" kórmesi 7 sáýirge deiin jalǵasady.
