RF-daǵy Qazaqstan elshisi Imanǵali Tasmaǵambetov 9 jeltoqsan kúni 63 jasqa toldy. Bul jasta er adamdar zeinetke shyǵady. Áleýmettik jelide saiasatkerdiń aldaǵy karerasy qyzý talqylanyp jatyr.
"Tasmaǵambetovtiń nemen ainalysatynyn bilmeimin. Muny basshylyqtan suraý kerek", - dedi Nuryshev.
Ol diplomattar memlekettik qyzmetshi ekenin aitty. Sondyqtan olar eldiń zańyna baǵynady. Alaida bul rettegi sheshimdi Memleket basshysy qabyldaidy.
Sputnik Qazaqstan tilshisi diplomat qandai jaǵdaida óz ornyn saqtap qaldy degen suraq qoidy.
"Muny Memleket basshysy sheshedi", - dedi ministrdiń birinshi orynbasary.
Imanǵali Tasmaǵambetov 2017 jyldyń 3 aqpanynan beri RF-daǵy Qazaqstannyń tótenshe jáne ókiletti elshisi.
