Almaty qalasynyń prokýratýrasy qala ortalyǵyndaǵy saiabaqty qaitardy. Bul aýmaq Imanǵali Tasmaǵambetov qala ákimi bolyp turǵan shaqta jekege ótip ketken, - dep habarlaidy Dalanews.kz.
Almaty qalasynyń prokýratýrasy málimetinshe, kópqabatty turǵyn úi salý úshin zańdy tulǵaǵa 2,8 gektar jer telimi zańsyz berilgen.
"Taldaý nátijesinde 2007 jyly jergilikti atqarýshy organ Almaty qalasynyń bas josparynyń erejelerin jáne egjei-tegjeili josparlaý jobasyn elemei, zańdy tulǵaǵa saiabaq aimaǵy qarastyrylǵan ýchaskege jeke menshik quqyǵyn bergen", - dep jazylǵan málimette.
Keiinnen bul jer shamamen 2,3 milliard teńge ótemaqy tólenip, memleket muqtajy úshin tárkilendi.
Ýákiletti organ qadaǵalaý aktisin oryndaý úshin Almaty qalasy ákiminiń qaýlysyn jáne odan keiingi azamattyq-quqyqtyq mámilelerdi zańsyz dep taný týraly talap aryz berdi.
2024 jylǵy 26 naýryzda apelliatsiialyq satydaǵy sot talaptardy tolyq qanaǵattandyrdy.
Aita keteiik, Tasmaǵambetov 2004-2008 jyldary Qazaqstannyń eń iri qalasy Almatynyń ákimi qyzmetin atqardy.
