Parij Olimpiadasynyń qola júldegeri Nazym Qyzaibai Almatyǵa keldi, dep habarlaidy Dalanews.kz.
Almatylyqtar sportshyny saltanatty túrde kútip aldy.
Qyzaibai jýranalisterge jarystan keiingi áserin bólisti.
“Jalpy Olimpiada jaqsy ótti. Jattyqtyrýshymmen jaqsy daiyndalyp, qolany enshiledik. Halyqtyń kútip alǵanyna qarap, jeńiske jetkenimdi endi sezinip jatyrmyn. Jankúierlerge myń alǵys. Barsha Qazaqstannyń qoldaýyn sezindim. Parijde júrip, eń birinshi anamnyń tamaǵyn ańsadym”, - dedi ol.
Sonymen qatar ol aldaǵy josparymen bólisip, mansaby týraly sóz qozǵady.
“Olimpiadadan endi ǵana keldik, sol sebepti biraz demalamyn. Sodan soń bapkerimmen aqyldasyp, sheshim qabyldaimyz. Biraq bizde úsh dúrkin álem chempiony joq. Sondyqtan tarihta iz qaldyrý úshin barymdy salamyn jáne soǵan qol jetkizemin dep oilaimyn”, - dedi Nazym Qyzaibai.
Eske salaiyq, bokstan Qazaqstan komandasynyń múshesi Nazym Qyzaibai el qorjynyna qola medal saldy.
50 keli salmaqta synǵa túsken Qyzaibai jartylai finalda bokstan álem jáne Aziia oiyndarynyń chempiony, qytailyq Vý Iýge ese jiberdi.
Osylaisha, Nazym Qyzaibai óz mansabynda tuńǵysh ret, ózi qatysqan alǵashqy Olimpiada oiyndarynda qola júldeger atandy.
