Osy oqıǵa boıynsha búginde tergeý amaldary júrgizilýde. Osyǵan oraı, Sybaılas jemqorlyqqa qarsy qyzmetimen QR QPK 200-babyna sáıkes qylmystyq quqyq buzýshylyqtar jáne basqa da zań buzýshylyqtar jasaýǵa yqpal etken mán-jaılardy joıý jónindegi usynys joldanǵan bolatyn, usynysta qamaýda ustalǵandardy apta saıyn medısınalyq qaraýdy jáne kamerada beınekameramen jabdyqtaý týraly kórsetilgen.
Departamenttiń málimeti boıynsha, 2016 jyly sottalǵandardyń jáne olardyń týystarynyń Qylmystyq-atqarý júıesiniń laýazymdy tulǵalarynyń zańsyz áreketteri úshin 5 ótinish kelip túsken, al 2017 jyly ótinishter sany 16 ese bolsa, aǵymdaǵy jyldyń birinshi toqsanynda 17 ótinishke ósken.
Osy jáne ótken jyldardaǵy taldaý barysynda, Ulttyq búrosyna jáne prokýratýra organdarǵa qamaýǵa alynǵan jáne sottalǵandardyń shaǵymdar kóbeıgen. Olarǵa psıhologıalyq jáne fızıkalyq qysym kórsetý faktileri boıynsha aryzdanǵan.
Degenmen, bundaı shaǵymdar biraz ýaqyt ótkennen keıin kelip túsedi, ol ýaqytta alynǵan jaraqattardyń jazylyp ketýine baılanysty qujattardy rastaý nemese bas tartý múmkin emes.
– Bas bostandyǵynan aıyrylǵandar shekteýli keńistikte, ıaǵnı esik, terezesi torlanǵan tar bólmede ornalasqandyqtan. óz jaǵdaılaryn jaqsartý úshin túrli zańsyz áreketterge barady. Sottalǵandar jáne olardyń týystary zań qaǵıdalaryn elemeıdi. Biz sizdermen birge qylmystyq-atqarý júıesindegi sybaılas jemqorlyqty joıýǵa tıispiz, – dedi QR Memlekettik qyzmet isteri jáne sybaılas jemqorlyqqa qarsy is-qımyl Agenttiginiń Almaty oblysy boıynsha departamenti basshysy Nurǵısaev Serikbaı.
Jıynda sonymen qatar, Sybaılas jemqorlyqqa qarsy is-qımyl ulttyq búrosynyń Almaty oblysy boıynsha departamentiniń basshysy Danıar Turǵanbaev jemqorlyqqa qarsy is-qımyl jónindegi jumystary jaıly túsindirip, memlekettik qyzmetshiler tarapynan olardyń kez-kelgen alǵysharttaryn basý úshin sheshýshi sharalardy qoldaný kerektigin aıtty.
– Biz sybaılas jemqorlyqtyń aldyn-alýymyz kerek, sondyqtan túsindirme jumystaryn júrgizemiz. Óıtkeni, eshkim tar qapasta otyrǵysy kelmeıdi. Ókinishke oraı, kóptegen mysaldar bar. Úsh myń teńgege ýákiletti adamdar ózderiniń jumys oryndarynan, múlikterinen aıyryldy, al keıbireýleri óz bostandyǵynan aıyryldy. Endeshe, árqaısymyz ózimizden bastaǵanymyz jón bolar. Túrmelerde beınekameralardyń sanyn kóbeıtýdi, aptasyna bir ret medısınalyq saraptama júrgizilip turýyn tapsyrdyq, – dedi ulttyq búro bastyǵy.
Kezdesý barysynda Almaty jáne Almaty oblystaryndaǵy Azaptaýlarǵa qarsy is-qımyl jónindegi ulttyq aldyn alý mehanızminiń (UPM) basshysy Igor Mıroshnıchenko sóz sóıledi. Ol túrmelerde sottalǵandarǵa qatysty zorlyq-zombylyqty qoldanýǵa bolmaıtyndyǵyn túsindirdi.
Qorytyndylaı kele, ádilet polkovnıgi Baqytjan Sadybekov, Almaty oblysy boıynsha Qylmystyq-atqarý júıesi departamentiniń bastyǵy kóterilgen barlyq máselelerdi baqylaýǵaalýǵa ýáde berdi.
Aıta ketý kerek, jyl saıyn «Transparency International» halyqaralyq úkimettik emes uıymy sybaılas jemqorlyqty qabyldaý ındeksi boıynsha elderdiń reıtıńin qurastyrady. Indeks 0-den (jemqorlyqtyń óte joǵary deńgeıi) 100-ge deıin (jemqorlyqtyń óte tómen deńgeıi) baǵalaý bolyp tabylady. Osylaısha, 2018 jyldyń aqpan aıynda jarıalanǵan Qazaqstan 180 memleketten 122-oryndy ıelenip, 100-den 31 upaı jınap aldy. Bir jyl buryn Qazaqstan 131-orynda, 29 upaı jınaǵan bolatyn.
Baljan QAIRATQYZY
Almaty oblysy.
