«Tarlan» talai talantty sportqa baýlýda
Qazirgi kezde osynaý baǵdarlama aiasynda elimizdiń, onyń ishinde Áýlieata óńiriniń túkpir-túkpirinde kóptegen áleýmettik jáne sporttyq nysandar boi kóterip, halyq igiligi úshin paidalanýǵa berildi. Buǵan sońǵy jyldary oblysymyzdaǵy qarqyndy túrde damyp kele jatqan aýdandardan birqatar mysaldar keltirýge bolady. Sonyń aiǵaǵy – Shý aýdanynda memlekettik-jekemenshik áriptestik aiasynda boi kótergen sport salasyndaǵy nysan. Aýdanda bul baǵytta júzege asa bastaǵan jobalardyń aiasy men arnasy arta túsken. Memlekettik múlikti senimdi túrde basqarýǵa berilgen nysandardyń qatarynda 2016 jyldyń qazan aiynda Shý aýdanynda boi kótergen – «Tarlan» sport kesheni bar. Aita ketý kerek,bul oblystaǵy memlekettik-jekmenshik áriptestik aiasynda salynǵan alǵashqy sport kesheni. Atalmysh nysannyń turǵyzylýyna tikelei uiytqy bolǵan osy aýdannyń týmasy, Keńes Odaǵyna eńbegi sińgen jattyqtyrýshy Iýrii Tshai. Jobalyq quny 480 million teńgeni quraǵan nysannyń qurylysy 2015 jyly bastalyp, araǵa bir jyl salyp Táýelsizdigimizdiń 25 jyldyq mereitoiyna orai paidalanýǵa berildi.Ǵimarat sporttyq-saýyqtyrý blogy jəne jataqhanadan turady. Sonymen qatar, munda jattyǵý bólmesimen birge 1 boks, 2 aýyr atletika jáne 1 kúres zaldary qyzmet kórsetedi. Budan bólek, keshenniń jataqhanasynda 25 adamǵa arnalǵan jatyn bólme men jekeashanasy jáne monshasy bar. Oǵan qosa, keshenniń aýlasynan jasandy jamylǵyly fýtbol alańshasy men gimnastikalyq alańdar da oryn alǵan. Ǵimaratta əkimshilik, meditsinalyq pýnkt, ədistemelik, kiim aýystyrý jəne jýyný bólmeleri de qarastyrylǵan.
Búginde munda 20-dan asa adam turaqty jumyspen qamtylypty. Olar sporttyń dziýdo, taekvondo, boks jáne kúres túrleri boiynsha aýdandaǵy 300-den asa jasóspirimdi sportqa baýlýda. Odan bólek, munda keshki ýaqyttarda aýdan turǵyndary aqyly túrde sportpen shuǵyldana alady. 2016 jyly Qazaqstan boks federatsiiasy senimdik basqarý boiynsha «Tarlan» sport keshenin Jambyl oblysynyń boks klýbyna ótkizgen bolatyn. Al 2017 jyldyń aqpan aiynda nysandy Qazaqstan boks federatsiiasynan «Tarlan batyrlary» jaýapkershiligi shekteýli seriktestigine memlekettik-jekemenshik áriptestik aiasynda ótkizý-qabyldaý jumystary júrgizilip, nátijesinde, «Tarlan» sport kesheni seriktestik menshigine tolyqtai berilgen. Mine, sodan bergi ýaqyt ishinde munda birnesheaýdandyq, oblystyq, respýblikalyq jarystar uiymdastyrylyp, aýyldy jerdegi jasóspirimderdiń sportqa degen qulshynystaryn eselei túsýge zor úles qosýda.
