Jambyl oblysynda jeke menshik balabaqshanyń basshysy iri kólemde qarajatty jymqyrǵany úshin sottaldy, dep habarlaidy Dalanews.kz.
Taraz qalasynyń prokýratýrasy "RozAl" ortalyǵy" jeke balabaqshasy basshylyǵymen mektepke deiingi uiymdardy jan basyna shaqqandaǵy qarjylandyrý aiasynda bólingen 12 mln teńgege jýyq biýdjet qarajatyn jymqyrý faktisin anyqtady.
Balabaqsha basshysy is júzinde tárbielenbegen balalar úshin biýdjet qarajattaryn alǵan.
"Alaiaqtyq faktisi boiynsha qala prokýratýrasymen qylmystyq is tirkelip, ony tergelýi Jambyl oblysynyń Ekonomikalyq tergep-tekserý departamentine tapsyryldy”, - dep habarlady Jambyl oblysynyń prokýratýrasy.
Taraz qalasynyń №2 sotynyń 14.06.2024 jylǵy úkimimen balabaqsha basshysy tárbie/oqytý qyzmetin kórsetetin kez kelgen menshik nysanyndaǵy uiymdar men mekemelerde qarjymen bailanysty materialdyq jaýapty laýazymdardy atqarý quqyǵynan 3 jylǵa aiyra otyryp, 4 jyl merzimge bas bostandyǵynan aiyrý jazasyna sottaldy.
Sot úkimi zańdy kúshine engen joq.
