Redaktsiiadan: Gazetimizdiń 15 qańtar 2015 jylǵy sanynda (/№01 (58)/ «Tarazdyń ákimin uiatqa qaldyrǵan kim?») Taraz qalasyndaǵy ata-ana jetim jáne áleýmettik jaǵdaiy tómen otbasy balalar úshin uiymdastyrylǵan Jańa jyldyq shyrshaǵa qatysqan balasyna durys jumys istemeitin telefondy syilaǵanyn aitqan-dy. Jaqynda osy máselege bailanysty Taraz qalasy ákimdiginiń bilim bóliminiń basshysy Gúlziia Zaýrbekova gazetimizge jazbasha túrde túsinikteme berdi.
Túsinikteme jaýap
Taraz qalasy ákimdiginiń bilim bólimi «Qala men Dala» saitynda 2016 jylǵy 15 qańtar kúni jariialanǵan aqparatqa bailanysty tómendegini málimdeidi.
Qala ákiminiń jańajyldyq shyrshasyna qatysatyn az qamtylǵan, kópbalaly otbasynyń balalaryna beriletin syilyqtar jyl saiyn Taraz qalasy ákimdiginiń bilim bólimine qarasty «Mektepten tys jumys jáne balalar shyǵarmashylyǵy ortalyǵy» kommýnaldyq memlekettik mekemesi arqyly alynyp beriledi.
2015 jyldyń 26 jeltoqsanynda ótkizilgen merekelik is-sharaǵa qala mektepterinen atalǵan sanattarǵa jatatyn otbasylardyń 130 (bir júz otyz) balalaryna qala ákimi atynan syilyq retinde uialy telefon tartý etildi. Balalarǵa berilgen uialy telefondardyń barlyǵy Qazaqstan Respýblikasynyń 2007 jylǵy 21 shildedegi №303-III «Memlekettik satyp alý týraly» Zańynyń 30 babynyń 1-tarmaǵyna sáikes baǵa usynystaryn suratý tásili arqyly alynǵan.
Habarlandyrý boiynsha óz baǵalaryn usynǵan merdigerlerdiń arasynan eń tómengi baǵa usynǵan Aqtóbe qalasynyń jeke kásipkeri Jabasov Nurken Erkinuly jeńimpaz retinde anyqtaýǵa bailanysty «Baǵa usynystaryn suratý tásilimen memlekettik satyp alý qorytyndylaryn bekitý týraly sheshim» veb-portalda avtomatty túrde shyǵarylǵan. Alynǵan taýardyń kepildeme talony bar, tehnikalyq sipattamasyna sáikestigi tiisti mamandardyń qatysýymen tekserilgen kezde telefondardyń barlyǵy jumys istep turǵan.
Telefondardyń jumys istemeitindigi jóninde 2016 jyldyń 6-8 qańtary aralyǵynda 4 oqýshynyń ata-anasy telefonnyń qosymsha fýnktsiialarynyń durys jumys istemeitindigi týraly habarlasty.
Atalǵan ata-analardyń balalaryna berilgen uialy telefondarda qosymsha baǵdarlamalardyń jumys istemeýine bailanysty «Mektepten tys jumys jáne balalar shyǵarmashylyǵy ortalyǵynyń» direktory T.Grabiichýk túsindirý jumystaryn júrgizip, telefondar taýardy jetkizýshi merdigerge poshta arqyly 2016 jylǵy 13 qańtar keri qaitaryldy. Merdigermen jasalǵan kelisimshartqa sáikes aqaýy bar telefondar jaqyn arada qaita almastyrylyp beriledi.
Gúlziia ZAÝRBEKOVA,
Taraz qalasy ákimdiginiń bilim bólimi basshysy
