RTR telearnasynyń túsirilim toby «Po sekretý vsemý svetý!» baǵdarlamasynyń kezekti shyǵarylymyn Túrkistan oblysynyń aýmaǵynda túsirýde.
«Po sekretý vsemý svetý!» — saiahatqa shyǵýdy jany súietin jandarǵa arnalǵan baǵdarlama. Shyǵarmashylyq top Jer sharynyń eń kórikti ári tań qalarlyq oryndaryna saiahat jasaýǵa shaqyrady. Baǵdarlama júrgizýshisi jergilikti erekshelikter týraly ǵana emes, sonda turatyn halyq týraly jeńil tilmen ári qyzyqty etip baiandaidy. Sebebi, qai jer bolmasyn adamymen qyzyqty! Saiahattyń bar qyzyǵy da sonda.
Mine, baǵdarlamanyń shyǵarmashylyq toby bizdiń oblysty tańdap otyr. Osylaisha «QAZAQTÝRIZM» UK AQ Túrkistan oblysyn TMD elderi úshin otbasylyq demalysqa laiyqty etýge tyrysýda.
Qazaqstannyń ońtústigindegi túsirilimge «Kýhnia» teleserialynyń juldyzdy ártisi Olga Kýzmina qatysýda. Sol serialdaǵy daiashy Nastianyń róli bul ártistiń baǵyn jaqqan obrazdyń biri boldy.
2017 jyldyń kókteminde Olga «Piatnitsa» baǵdarlamasynyń qonaǵy boldy. Júrgizýshi Andrei Bedniakovpen birge ol San-Frantsisko qalasyna ekskýrsiia jasady.
